五日四夜峇里島 ( 第二天 - 向上行 ) * 2014

23-27.11.2014

無所事事 , 男友打開地圖看 , 原來我地身處 Nusa Dua 區域 的中間位置 . 打算向上行 , 去到最上面的中國廟 , 因為我地實在太無聊了 . 

其實條行人路很難行 , 因為每個位置都做緊工程 , 再加上天氣好熱 , 所以行得有少少慢同辛苦 . 行左半個鐘 , 見到依間店 , 就打算入去買支飲料 , 比我發現有 Postcard 同 郵票 , 小地勤就好開心咁比左 10 萬去買 .

我買左 3 張 Postcard , 每張 3000 蚊 , 再加 6 個郵票 , 每張 5000 . 總數 3 萬 9 . 對住依種印尼錢 , 小地勤完全好迷惘 , 所以我就比左張 10 萬個職員 , 等佢找錢 . 我無諗過佢會咁唔老實 . 之後我同男友講 , 佢話我比人呃 . 

當時我即刻同職員講 , 佢找少左錢 , 我話張郵票唔係 5000 蚊一張咩 ? 佢答我 5000 蚊係假數字 , 每張係賣 11000 . 理論都無用 , 佢唔再理我 , 亦無打算找返錢 . 買張郵票都比人呃 , 對印尼既印象即刻好差 .

之後我亦小心左好多 , 買野飲都問清幾錢先再買 . 唔再幫小店買野 , 寧願比貴少少都係大型商店買 . 再向南行 , 黎到一間大型超市 , 終於無呃我錢 , 係正正常常 , 所以買左少少野做紀念品 .

2 蚊 HKD 左右的杯麵 , 之前睇旅遊節目話必買的 , 所以買來試下 .

我好鐘意用 Soap 沖涼 , 所以買返去試下 . 

買比鐘意飲茶既朋友 , 個木盒仲可以留係黎用 . 大約 40 幾蚊 HKD , 好抵 .

當地人賣油係咁賣既 , 如果穿左就麻煩了 .

天氣真係好熱 , 如果唔係之前比人呃 , 早就係前一間店買左飲品 . 黎到依間正當大店先敢買條雪條 , 一路行一路食 , 不過條雪條溶得超快 .

其實前往盡頭的路上 , 又遇到一名想搵我地笨既人 , 纏繞左我地半個鐘先甩到身 , 那一刻 , 我已經唔想再留係依個地方 ...

行到另一個以為可以游水既沙灘 , 結果又係只可以玩水上活動 , 兼十幾個人車輪轉咁纏繞你 . 我影左張相就急不及待咁離開 .

一個中午 , 令我完全唔想再行出酒店 , 應該話有衝動放棄 3 晚酒店 , 即走 . 比人當水魚既感覺真係好差 .