每月聚會，輪到小妹做搞手。呢期食得肉類食物多，故揀左大自然素食。不過，素食不一定等於健康啊﹗坊間大部份素食店均僅是捨肉用菜，其烹調方法多採用煎炸形式，且菜式配搭未必符合均衡飲食之道。尤其是麵根、素叉燒、素燒鵝等，這些全部經油炸及染色的，看見都知道非健康。因此，精明的消費者要自己識揀啊﹗
星期四晚，人客不多。因一早訂左位關係，去到已被安排坐係近門口的一張圓枱。枱上有兩小碗各有五粒的餐前開胃小食酸蕃茄仔，淡淡的酸味，幸蕃茄仔鮮甜。茶就較特別，係小妹鍾愛的玄米茶。埋單時，盛惠$625，先驚覺茶芥及服務費超貴﹗六人實際消費約$500，換言之，約$125係茶芥及服務費。
![大自然素食的相片 - 銅鑼灣)]()
芝麻牛蒡絲牛蒡細切成絲，仍不失鮮爽脆，混合麻油及芝麻，清新自然好味，且有益。
![大自然素食的相片 - 銅鑼灣)]()
粟米雞絲羹羹濃稀度適中，味道OK，配料有粟米粒、冬菇絲，以及麵筋造的、口感偏乾且嚡的雞絲。
![大自然素食的相片 - 銅鑼灣)]()
沙嗲肉片炆米粉米粉入味、爽口彈牙而不油膩，粉靚料足，配料有紅蘿蔔絲、西芹、青黃椒絲及麵筋迼的肉片。不過，「沙嗲」失蹤了。
![大自然素食的相片 - 銅鑼灣)]()
西檸五香鴨嘿嘿，非健康之選，但小妹超愛其既酸又甜、香脆鬆化的口感。一上枱，檸味四溢，香氣撲鼻，口水直流﹗挾一塊腐皮「鴨」，唉，油炸時間過久，雖則脆口，惜毫不鬆化且偏油膩，「腐皮鴨肉」變得好實，失敗失敗﹗醬汁則酸到小妹瞇眼，但可解油膩感。
![大自然素食的相片 - 銅鑼灣)]()
金沙南瓜茄子又一非健康而好食的素食也。外酥香內嫩滑的金沙南瓜茄子讓人一試難忘、一試傾心。甜美南瓜及茄子切片後瀝乾水蘸上生粉油炸備用，然後放入壓碎的鹹蛋黃小火炒至冒泡即成香噴噴惹味的金沙南瓜茄子。茄子口感偏硬，相反，香甜軟腍的南瓜配鹹香蛋黃味道、口感較佳﹗
![大自然素食的相片 - 銅鑼灣)]()
蠔皇北菇扒小棠菜健康鮮甜菜式之選，芡汁味道淡淡，小棠菜肥美鮮甜。一朋友話冬菇頭有陣”怪”味，可能係浸水處理不當所致，故小妹冇食冬菇呀﹗
![大自然素食的相片 - 銅鑼灣)]()
霸王西施菜名好有霸氣，實質係嫩滑豆腐配仿真度極高、口感絕佳的「肉鬆」及紫菜，再淋上醬汁。原以為係清淡的食物，誰知，大廚用左辣辣的豆瓣醬汁。嚐一口，已讓小妹感覺有點太刺激了。小妹心想：霸王該係指豆瓣醬汁，口感夠霸氣及霸道；而西施係指柔弱純潔的豆腐。
![大自然素食的相片 - 銅鑼灣)]()
生煎菜肉餃原以為煎菜肉餃會皮脆餡嫩，誰知，d餃皮韌到咬唔開，餃又煎過耐，外皮及餡料均乾巴巴、淡而無味，就算蘸上味濃的醬汁，也於事無補。
![大自然素食的相片 - 銅鑼灣)]()
冰糖雪耳南北杏燉雪梨糖水免費送的。雪耳煲到溶晒，糖水粘度較高，口感稠厚，小妹還是喜歡口感薄薄、有完片雪耳的雪耳雪梨糖水。幸好，雪梨清甜、清甜滋潤，甜度適中，好味。
![大自然素食的相片 - 銅鑼灣)]()
============================================
感謝 蒙奇奇 提供以上資料
蒙奇奇的網誌: http://www.openrice.com/zh/gourmet/reviews.htm?userid=538821&city=hongkong
============================================
