約左朋友飯局，早到四圍逛，去到四樓，見到一間色彩繽紛奪目的甜品店，突然想食甜品，就入左去叫左碗凍椰汁芒果黑糯米。做法簡單，黑糯米打底，淋上椰汁，再撒上芒果粒就OK了。
椰汁芒果黑糯米
![椰汁芒果黑糯米 - 銅鑼灣的糖圓園)]( "椰汁芒果黑糯米")
椰汁芒果黑糯米
上枱時，見佢大大碗，七至八小粒芒果粒浮在白雪雪的泡沬上，賣相頗吸引。小妹嚐試用匙攪拌碗底的黑糯米，嘩，咁實，要用力攪拌及擠壓才可把黑糯米與椰汁混合。攪完一輪，先飲一口椰汁冰冰，椰汁味唔算太濃，且偏稀、水汪汪的；然後，掏出一粒芒果嚟食，依呀，酸到入心入肺；再試下d黑糯米，部份煙韌，惜部份一pat pat、未夠香糯。
![糖圓園的相片 - 銅鑼灣)]()
食食下，咬到d可疑東西，細心一看，乃又硬又乏味的芋頭粒，前後共有三粒。
![糖圓園的相片 - 銅鑼灣)]()
甜品靈魂乃用料及用心也﹗用料不濟，用心不足，何來好味的甜品？
============================================
感謝 蒙奇奇 提供以上資料
蒙奇奇的網誌: http://www.openrice.com/zh/gourmet/reviews.htm?userid=538821&city=hongkong
============================================
