屯門之旅尾聲，屯門之友安排我哋去參觀妙法寺，然後去季季紅藍地總店食風味午飯。
![季季紅風味酒家的相片 - 屯門)]()
由於係中午12:30，總店座無虛席，人頭湧湧，嚇死了小妹﹗幸好，訂左枱，佢哋安排我們坐在對面新裝修的舖位中的vip房中，超級開心﹗因為成間舖得我哋幾個，有一位超級好笑容的阿姐專人服待我哋，簡直係超爽。屯門食肆上菜速度極快，一叫菜，不足五分鐘就可上菜，抵讚﹗因人數少，故與馳名的蝦禾米乳香豬無緣，只淺嚐了1/4
脆皮乳豬。嘩﹗果然係皮鬆香脆肉鮮滑嫩，脂粉比例適中，不肥膩且夠香夠脆。
脆枝乳豬
![脆枝乳豬 - 屯門的季季紅風味酒家)]( "脆枝乳豬")
脆枝乳豬
蓮藕餅炸得恰到好處
﹗外面香脆，入面肉香夠juicy。若多點蓮藕，口感將會更佳。
蓮藕餅
![蓮藕餅 - 屯門的季季紅風味酒家)]( "蓮藕餅")
蓮藕餅
菠蘿雞粒炒飯好好味﹗飯粒粒粒分明，夠干身夠味道，又不會偏油偏鹹。加件乳豬及蓮藕餅嚟送飯，yummy yummy!
菠蘿雞粒炒飯
![菠蘿雞粒炒飯 - 屯門的季季紅風味酒家)]( "菠蘿雞粒炒飯")
菠蘿雞粒炒飯
蝴蝶腩豬肺頂菜膽湯簡直係極品抵食靚湯，足料火喉夠。乳白色湯水味濃清甜，朋友連白菜、豬肺等湯渣全都吃下，滴湯不剩。
蝴蝶腩豬肺頂菜膽湯
![蝴蝶腩豬肺頂菜膽湯 - 屯門的季季紅風味酒家)]( "蝴蝶腩豬肺頂菜膽湯")
蝴蝶腩豬肺頂菜膽湯
此外，我哋還叫了6款點心。坦白講，點心除左蟹皇干蒸燒賣妤味外，其餘點心質素屬一般貨色。
蟹皇干蒸燒賣賣相吸引，啖啖爽口鮮味的豬肉蝦肉，就加橙色蟹子點綴吊味，料足餡靚，口感不俗。
蟹皇干蒸燒賣
![蟹皇干蒸燒賣 - 屯門的季季紅風味酒家)]( "蟹皇干蒸燒賣")
蟹皇干蒸燒賣
季季蝦餃皇可算是失敗之作，皮薄卻穿窿，餃中的湯汁早已流走了。筷子一夾餃皮和餡料就馬上分裂離析，蝦肉欠缺鮮味及較為乾身。
北菰綿花雞豬皮頗多、雞得一少塊、蟹柳一條，味道偏淡。
鴛鴦水晶飽有豆沙餡和奶黃餡，小妹只試左豆沙餡的水晶飽，水晶皮略厚、豆沙餡偏甜。
千層馬拉糕熱辣辣，有蛋香，頗鬆軟。
白灼生菜唔夠鮮嫩，有渣，又偏油。
點心
![點心 - 屯門的季季紅風味酒家)]( "點心")
點心
============================================
感謝 蒙奇奇 提供以上資料
蒙奇奇的網誌: http://www.openrice.com/zh/gourmet/reviews.htm?userid=538821&city=hongkong
============================================
