小妹第一次團購，$888王子飯店四人晚飯八道菜套餐，免加一免茶芥，好鬼吸引。因係同朋友慶生，超驚唔好食﹗好彩，佢地無將貨就價，造壞招牌。一行五人，加$要多個沙律及白肺湯，一齊share黎食。餐後，waiter仲好nice咁免費送多盅糖水比我哋。
![王子飯店的相片 - 銅鑼灣)]()
![王子飯店的相片 - 銅鑼灣)]()
加拿大野生三文魚沙律 – 三文魚肥美，配上鮮、爽、脆雜菜，再混合酸醋，食落口感豐富，既有嚼口且清新醒胃。
杏汁花膠白肺湯 – 呈奶白色的湯，清而不膩。一開蓋，微香的杏仁香氣撲鼻。湯料足，花膠豬肺軟腍好味，杏仁味不算很突出，湯水頗鮮甜、幼滑及滋潤。
京式片皮鴨 – waiter原鴨即場切片，鴨皮香脆可口，部份有少量肥膏連著。放上適量青瓜絲和京蔥，再加上甜麵醬以薄餅皮夾住一齊食，油香四溢，惹味留香，且可減油膩感。鴨油頗多，滴在碟上。
![王子飯店的相片 - 銅鑼灣)]()
鴨菘生菜包 – 片皮鴨剩下的鴨肉混了大量清甜爽口的竹筍粒、沙葛粒來炒，包著新鮮爽脆的生菜來吃，可以略為中和一下肥膩感。若再加點西芹粒、菜脯粒、松子仁、冬菇粒則口感會更豐富﹗
奇香春雨蟹煲 – 蟹肉厚味鮮，件數頗多，混雜九層塔的奇香，辣椒籽的香辣，靈魂所在係煲底墊以薄薄微焦且肥美可口的五花腩肉，令粉絲更是滋味無窮，香辣得更有層次。
![王子飯店的相片 - 銅鑼灣)]()
清炒時蔬 – 白菜仔炒得過油膩，間中夾雜小沙粒，食剩好多﹗
砂鍋鮑汁海皇飯 – 飯極之入味，索盡鮮蝦、滑帶子、爽芥蘭粒、嫩冬菇等配料之精華，再加入鮑汁炒至粒粒上色均勻，鑊氣十足之餘又色香味美，惜飯粒略嫌偏濕。
銀耳冰糖燉秋梨 – 爽口銀耳配甜梨，滋陰潤肺，令味蕾一片清新，立即清去油膩感。
因友人生日，我哋額外叫左三個壽包。上枱時，大家相視而笑，有發育不良之感﹗$12一個壽包，包細得可憐，包皮既乾又硬、僅有稀疏的紅點，蓮蓉餡則ok。突然，想起東海‧海都酒家的壽包……
![王子飯店的相片 - 銅鑼灣)]()
============================================
感謝 蒙奇奇 提供以上資料
蒙奇奇的網誌: http://www.openrice.com/zh/gourmet/reviews.htm?userid=538821&city=hongkong
============================================
