今日同朋友去翡翠明珠廣場戲院睇戲，朋友因公事遲到，臨時決定係附近搵食。小妹被櫥窗的食品模型及米比薩吸引，就拉埋好友入去食。
![戶井北海道米比薩的相片 - 銅鑼灣)]()
Lunch set ($63.8) 包餐湯、蒜茸包、米比薩定食或蛋包飯定食及餐飲，平日仲有8折優惠，今期加$4可換購Dreyer's開心果雪糕批一支，超級低食﹗
Waiter先送上的是香滑濃惹味的蘑菇忌廉湯和香脆的蒜茸包，好味，抵讚﹗小妹叫左杯咖啡，味較淡，但夠香滑，啱晒小妹口味。照燒帆立貝蟹肉米比薩d配料有香口的芝士、木魚絲、帆立貝和蟹柳，配合 d 燶燶地、脆卜卜的焦飯，幾惹味又有嚼口，小妹超鍾意﹗不過，一拎上手d飯就會散晒啊，要小心用手食。:吉列朱扒蛋包飯配牛肝菌汁也頗好味，吉列朱扒炸粉份量適中、朱扒夠腍入味；炒蛋香滑、惜份量偏少，僅是放在飯上，而非包住d飯；牛肝菌汁味濃香好味。美中不足的是：d飯偏淋、偏黏，口感差d。最教小妹心動的是飯後甜品：一大支Dreyer's開心果雪糕批﹗開心果仁烘烤後磨碎混入香滑的開心果雪糕內，配合啖啖脆皮，迸發出無可抗拒的滋味，令人一啖一傾心。
![戶井北海道米比薩的相片 - 銅鑼灣)]()
![戶井北海道米比薩的相片 - 銅鑼灣)]()
============================================
感謝 蒙奇奇 提供以上資料
蒙奇奇的網誌: http://www.openrice.com/zh/gourmet/reviews.htm?userid=538821&city=hongkong
============================================
