久聞廚魔的盛名，今日終於同弟婦前來見識。位處空中花園，環境頗為清優。服務非常細心周到。小妹先到，拍照時，智能手機不慎掉到桌子下面。一waiter眼明手快，蹲下拾起還給我。身懷六甲的弟婦黎到，經理又窩心地攞左個cushion放係佢背後，比佢坐得舒服d。
![廚魔的相片 - 灣仔)]()
我哋叫左兩個$268 set lunch，4個點心、2個主菜、2碗炒飯及2個甜品。
黑松露XO蝦餃 – 皮薄餡靚、蝦餃爽口清甜、配上自家製惹味蝦米及濃郁的黑松露，味道配合可真一絕。
鵝肝鍋貼 – 熱騰騰的、皮脆餡鮮，配上酸甜醬，好味。惜鵝肝略為細片，味道未夠突出。
蘿勒竹筍雞肉春卷 – 春卷脆卜卜，蘿勒青醬味太過濃烈，蓋過其他配料的味道，食唔出有竹筍及雞肉。
炸墨魚丸配泰國青擰汁 – 略為普通，似酒樓彈牙的炸墨魚丸。色彩鮮艷，青色醬汁幼滑好味。
![廚魔的相片 - 灣仔)]()
慢煮鎮江醋乳豬、蛋黃、白菜仔 - 以鎮江醋醃至入味，甜中帶酸，肉腍味香，輕輕一扒已分成條條肉絲。蛋黃一碰即破，蛋漿四濺，蛋黃表面凝固左的部份如一層薄皮，口感絕佳﹗菜式及口感有d似瘦肉版的東坡肉……
黃金深水龍蝦蛋黃漿、椰菜花配英式芥辣泡沬 - 泡沬好特別，蝦爽口肥美，配合經特別處理的椰菜花及濃香的黑松露，頗有嚼口及口感，幾surprise﹗
炒飯 –配料有紅蘿蔔、乾蔥、蟹籽同蝦米，炒飯較乾身，似糯米飯多d。
人參雪葩‧橘子‧芒果蛋糕‧ - 偏向似泡泡的人參雪葩味道突出，旁邊紅色脆脆糖碎好好味；橘子甜美；芒果蛋糕一層軟滑，一層硬脆相間，好有層次感及口感。
![廚魔的相片 - 灣仔)]()
小籠包 –啫喱狀、皮薄多汁，的的骰骰一啖一口，湯汁於口腔中爆開，那種感覺可謂美妙絕倫。圓球上的那紅色條是姜醋，薑味在喉嚨中久久不散。 (額外加的，$90/粒，超貴的﹗)
![廚魔的相片 - 灣仔)]()
溫馨提示：如果waiter問你要有氣定無氣的水，就話要：熱水 (免費啊﹗)
============================================
感謝 蒙奇奇 提供以上資料
蒙奇奇的網誌: http://www.openrice.com/zh/gourmet/reviews.htm?userid=538821&city=hongkong
============================================
