呢個星期，同屋企人去喜靈洲渡假及BBQ，路過坪洲，就膽粗粗去試阿蘇介紹的呢間茶餐廳。上網做足功課，事前book定餸菜。間舖只有三張十人大枱，一張五人枱，以及一張兩人枱，舖面尚算整潔及企理。Book位及叫定餸菜係必要的動作，否則，下次請早。
![快車茶餐廳的相片 - 坪洲)]()
蝦蒸糯米飯 - 海蝦新鮮爽口、份量多，糯米飯唔油唔硬、又夠香口、富荷葉味
蝦膠釀豆卜湯 - 好多爽口的豆芽、釀滿彈牙蝦膠的豆卜，奶白色的湯底富濃郁既楜椒味，似加入豆漿或牛奶
煎封魚 - 外皮好脆，內裡魚肉既新鮮又好滑
花雕蟹蒸蛋 - 花蟹夠鮮夠多肉、蛋夠滑夠香，花雕酒提升左蟹同蛋的香味
客家鹽水雞 - 雞肉夠味、超滑，又係水準之作
上湯炒粉絲豆苗 - 豆苗夠嫩夠入味 (掛住食，唔記得拍照。)
![快車茶餐廳的相片 - 坪洲)]()
屋企人都係嘴刁之輩，今次卻有讚無彈，大叫好味、頂瓜瓜、抵食﹗ 酒徒契爺仲帶叫左支私伙Martini黎助慶添，讓我哋食個痛快﹗ 無可否認，係偏僻小島，呢間餐廳的水準確是一流的，價錢也算合理。
題外話/補充資料
該店有抵食海鮮套餐($1,268)，共八個餸菜+糖水，記得預訂。
============================================
感謝 蒙奇奇 提供以上資料
蒙奇奇的網誌: http://www.openrice.com/zh/gourmet/reviews.htm?userid=538821&city=hongkong
============================================
