日本手信 美食 伴手禮 圓形燒饅頭（ 丸ぼうろ） 佐賀當地居民稱佢做「圓Bolo餅」

圓形燒饅頭（ 丸ぼうろ）

http://lamhome2002.blogspot.com/2015/09/bolo.html

都未到新年，咁快介紹煎堆？碌埋落去睇真啲……

小編今日要介紹嘅並唔係農曆新年中國人食嘅煎堆（我知張相睇落好似），其實係一種咬落去似某旺出品嘅小饅頭，不過係一個擴大版本同埋被人撳扁咗。佐賀當地居民稱佢做「圓Bolo餅」，小編就姑且叫佢做「圓形燒饅頭」先啦。

「Bolo」本身喺葡萄牙文係解作「蛋糕」，直譯佢做「蛋糕」又唔太貼切。皆因據說喺17世紀，由當時佐賀藩嘅御用菓子司橫尾市郎右衛門，參考咗當時居住喺長崎嘅荷蘭人嘅整餅方法，再研究將小麥粉加入琉球糖中撈勻後，放入焗爐烤焗而成。

但當時依據呢個做法焗出嚟嘅「圓型Bolo」根本硬過石堅……後來當地人焗餅技術不斷改進，亦都越嚟越將呢種來佬嘢貼近番當地居民嘅口味，加入咗蛋、蜂蜜、發粉等加以改良，就成了今時今日「圓型燒饅頭」嘅口感啦！

◎冷知識

喺19世紀前嘅日本，但逢有外來事物進入日本，當時嘅日本人大多會用喺日文裏面發音相似或類似嘅漢字嚟，為嗰樣新事物譯音改名。今次介紹嘅「Bolo」，當時嘅人就曾經譯咗「芳露」或者「房露」。同樣例子尚有「Tempura→天麩羅」和「Coffee→可否／珈琲」等等。同樣做法中文都有，大家不妨留意吓。

日本WIFI預訂有9折！

http://goo.gl/KAVHw7

提提你出發之前記得買旅遊保險啦！

用呢條link買旅遊保險可以有8折優惠: https://goo.gl/m117b9

如你喜歡,請給個LIKE^^以後提供更多資訊給你

其他遊記

如有聯絡查詢

KASANG0728@GMAIL.COM