8 【飲飲食食】尖沙咀 伊賀日本燒肉料理

今日番工攰攰哋, 夜晚嚟試試呢間新店燒物放題! 伊賀日本燒肉料理

位於尖沙咀赫德道呢間新店! 如果冇行開呢頭起初都有少少難搵!

上到三樓店內空間唔算好大! 但十分企理乾淨

最吸睛的係呢張大圓桌Bar枱! 一支公嚟食都唔驚尷尬, 好日本Feel! 「嚟杯生啤!!!!」

放題每位$258, 店內提供綠茶及冰水! 如果想任飲汽水不含酒精飲品要+$30(每位)

另外也可Top Up叫海膽同蠔!

店內用iPad落單

惠顧放題每一枱都會送番刺身船同盛合併盤! (食物份量當然跟番人數啦)

呢架刺身船真係好吸引呀! 超級大架好震撼...

海膽好新鮮排得好靚仔!

盛合併盤有齊豬牛雞! 肉質好Juicy, 唔會燒到乾哂身(當然負責燒嗰個人都要技術好啦)

食完刺身都唔夠喉, 再Order壽司食! 壽司件件肉大過飯! 起初以為放題的話, 質素應該都唔見好

但係每件壽司都堅好味新鮮!

再嚟多個驚喜, 通常炸物係放題之中既次選, 通常都想留肚食好嘢, 廢事太飽!!

但係呢度既炸物天婦羅等, 都好好食! 脆不特止, 唔油乾身, 仲好熱! 

蔬菜海鮮都掂好鮮! 有鮮菠蘿同帶子海螺!

之後試吓D另類嘢, 叫咗個燒雞泡魚干, 火蛋/黑味蛋(湯丸), 火味係指花生餡, 黑味係指芝麻餡!

雞泡魚干OK, 似燒魷魚! 但係個湯丸就唔掂, 好乾好粉! 不過都欣賞佢有新嘗試!

超開心, 呢度最後甜品有movenpick, 如果都係放題任食就好!!!

Photo by CANON 5D Mark III, Len | EF 24-70mm f/2.8L USM

呀劍評分: 9分