做Laser脫毛一定要知， 3大注意事項
大家喺選擇脫毛療程之前，有冇諗清楚咩先係真正適合自己呢？咩係彩光，咩係激光，你又知唔知？彩光定激光，冷凍系統仲有機頭都會影響脫毛效果架！
光學脫毛原理
毛囊同毛幹中有好多黑色素，光學脫毛就係利用光學原理，沿住毛髮經黑色素達至毛囊，毛毛內嘅黑色素吸收光能後溫度升高，繼而破壞毛囊將毛毛去除。
而光學脫毛嘅效果，主要係視乎光波嘅波長。由於毛囊部位較深，光源嘅波長需要較長，而且有較深嘅穿透先可以達到效果，如果波長太短，表皮嘅黑色素會吸收較多能量，容易灼傷表皮。
彩光VS激光
市面上嘅脫毛療程有分彩光同激光，好多人join完脫毛療程都未必清楚自己join嘅係激光定彩光，所以最後做咗好多次冇效果都唔知點解。如果join之前先了解激光同彩光嘅分別，就唔會浪費錢同時間做左無效嘅treatment啦！
彩光其實係一種強力脈衝光線，波長覆蓋550nm至1200nm，由多組光束能量組成，打入肌膚嘅光線分散唔集中，只能打入皮膚表層，可以大範圍咁解決多個肌膚問題，例如收毛孔同嫩膚，但就唔可以集中處理毛毛問題。彩光儀器嘅機頭亦有大有細，大嘅機頭令光線更唔集中，所以喺脫毛上得到嘅效果亦更加差。
而且彩光只能打入皮膚較淺層，多組光束能量唔一樣，原本就唔係用嚟脫毛。好多用彩光嘅美容公司只係較大度數，令彩光可以再打入啲深層皮膚去做脫毛效果，但係咁做其實好危險，因為過高能量嘅彩光，好容易造成大片皮膚灼傷。就算好彩冇受傷，彩光無論做幾多次，毛髮亦有好大機會再生，並非永久性架。
相反激光光線集中，通常用嚟針對一種肌膚問題，例如脫毛。激光儀器嘅機頭亦比較細，可以針對毛囊黑色素將毛毛脫走。市面上最常見有3種激光波長，分別係755nm、808nm及1064nm，可以做到永久性脫毛。當中波長755nm係最啱黃皮膚亞洲人使用，所以好多美容院都會選擇755nm嘅激光脫毛儀器，包括dermes同MediLASE。
機頭
啱啱有提到激光用嘅儀器機頭係比較細，令光線較集中，而彩光用嘅儀器機頭係比較大，光線較分散。除左激光同彩光用嘅機頭有大細分別之外，其實激光儀器用嘅機頭都有大細之分架！就拎dermes同MediLASE做例子，dermes同MediLASE用嘅都係激光，波長755nm，但dermes嘅機頭只有12mm，MediLASE嘅機頭就有24mm。下邊幅圖就講左12mm同24mm機頭嘅分別，12mm機頭可以照顧到每一吋肌膚，彎位同罅位都打到，效果仔細過24mm機頭好多。
冷凍系統
能量大嘅激光脫毛儀器相對危險性會愈高，所以亦需要好嘅冷凍系統先可以避免受傷。有啲美容院會使用-20度嘅冷凍劑鎮靜及冷凍肌膚，但有唔少朋友都話曾經試過喺進行激光脫毛時，總有幾下冇冷凍劑噴出，果幾下得激光打落皮膚上面，所以超痛。所以，我建議大家選擇有多重冷凍系統的激光脫毛中心，避免哩啲情況發生，例如dermes會幫客人敷冰、搽Gel，再加冷風機三管齊下，保護皮膚之餘，仲會令皮膚保持喺最佳溫度，再加埋-4度嘅冷風機係做脫毛嘅時候為皮膚降溫，咁樣先係安全又令人安心嘅方法。
所以，各位sis join唔同脫毛plan之前，真係要問清楚美容院用嘅儀器，當然最好就試清楚先join，試嘅時候整個部位咁試，咁就可以了解清楚美容院整個療程同效果係點！大家可以試下dermes或者MediLASE，dermes試做仲有bioderma送，好抵試！
dermes：http://www.dermes.com.hk/tc/promotion/DSELA0915A?ref=DBLOA0716E
MediLase：http://www.medilase.com.hk/%E6%BF%80%E5%85%89%E8%84%AB%E6%AF%9Bmedilaseprou/201510_besexypromo-mainsite/
文章轉載自：http://blog.ulifestyle.com.hk/blogger/dermesvsmedilase/2016/08/%E5%81%9Alaser%E8%84%AB%E6%AF%9B%E4%B8%80%E5%AE%9A%E8%A6%81%E7%9F%A5%EF%BC%8C-3%E5%A4%A7%E6%B3%A8%E6%84%8F%E4%BA%8B%E9%A0%85/
