(已結業)8度石鍋 & 甜品 8℃ Stone Pot & Dessert

8度石鍋 & 甜品8℃ Stone Pot & Dessert喺大坑呢區，便宜的食物不多，仲要便宜得來有特色的就更少之又少。今日就等 SeeWide 為大家介紹一間可以同時食到日式石頭鍋手打烏冬 / 飯及特色甜品的餐廳啦！8度石鍋 & 甜品 8℃ Stone Pot & Dessert 的日式石頭鍋手打烏冬及日式石頭鍋飯都十分美味，話明 "石頭鍋"，當然唔係得個講字，餐廳當真用上石造的碗用來盛載烏冬及飯，果真別具一格！熱辣辣的石頭鍋手打烏冬 / 飯，配上專誠烹調的燒汁煎鯖魚、黑椒牛柳粒、香草羊架，真係再三回味！食完正餐，想食返個甜品？大家唔洗咁急埋單趕下場，全因 8度石鍋 & 甜品 除咗石頭鍋外，仲有特色甜品供大家享用！十多款不同口味的意大利低糖雪糕任你揀，尤其係較為冷門的番石榴味，味道清新，充滿新鮮番石榴的香味，而且雪糕質感十分幼滑，簡直食到停唔到口，適合不太嗜甜的你！你仲可以配合埋其他口味的雪糕一齊食，更可演變出不同的味道！不單止意大利低糖雪糕，榴槤腸粉、芒果沙冰、七彩水晶露、七彩龍珠、榴槤河粉、朱古力心太軟、宇治抹茶心太軟等都好受客人的歡迎，係 must eat item！