![](image/WiFi.png)
爲保持穩定性及速度,建議在Wi-Fi或真。無限3G情況下,才上載圖片!
CEO Neway (荃灣店)
2評論人均$196.9
價目表
付款方式:現金,Visa,萬事達卡
|
Be Fans Now! 登入/註冊後,成為商店粉絲後,即可自動獲得最新商店消息或優惠。 |
按此成為粉絲 |
CEO Neway (荃灣店)評論
CEO Neway (荃灣店)介紹
CEO Neway 是 Neway 旗下較為高級的品牌分支,在香港亦有數間專門店,除了 卡拉OK 外, Neway 亦有提供 自助餐 K Buffet 予客人邊唱邊食,盡情娛樂!以下係探險家《helenhlblog》為大家作出的實地報導:「我們愛唱K@Neway CEO~」其實我同老公都幾鍾意唱K, 雖然不算唱得好好聽 (但我覺得老公唱得好正架~~), 不過我哋隔幾個月或者大時大節, 都想去開開心心玩一餐~~ 這次就去了荃灣的Neway CEO~ 其實之前好多間都去過, 例如MegaBox、旺角、元朗、尖沙咀等, 唔知呢間又掂唔掂?~~這晚是星期六, 一個人已經要2百幾蚊, 不過今次當慶祝3周年, 又預先慶祝聖誕節, 貴少少唔緊要啦~~先吃小食同果盤~~ 個爆谷比想像中好食, 唔錯~~ 水果都冇變味, OK架~~既然有K-buffet, 當然唱歌之餘, 又要去拎啲好嘢食~~ 先吃了壽司、刺身同飲碗湯~~之後我們2個輪流拎嘢食, 除了壽司同刺身, 仲有天婦羅, 熱食就有炒粉麵飯、自選粥或麵、不同的小食, 例如餃子雞翼、肉串、燒雞、燒肉等~~ 海鮮就有蝦、小蟹、青口、螺等等 (唔係碟碟都有影相添~) 另外又有沙律、湯、煙三文魚等~~ 味道幾乎樣樣都合格, 係啲海鮮味道好淡, 唔係幾好食......雖然大部份食物一定冇酒店咁好味, 不過起碼食到入口又食得飽~~有些時段又會通知你有限量供應的食物, 例如上面的小鮑魚同芝士焗青口, 還有下面的燒大蝦~~ 拎到就覺得值回一點票價~~ 味道都ok~~最後食得有點飽, 都要拎埋甜品~~ 甜品都幾多款, 例如有芝士蛋糕、芒果布甸、朱古力林明頓、薄荷朱古力蛋糕、士多啤梨蛋糕、忌廉撻等, 仲有朱古力噴泉同3款雪糕~~ 估唔到幾款蛋糕同雪糕的味道都唔錯, 都想拎多啲, 不過已經幾飽, 而且都要用多啲時間唱歌, 唔好掛住食~~呢間的buffet食物都ok, 不過唱到10點幾, 因為有人等位, 所以就要走了~ 如果可以唱耐啲就好啦~~ 5百幾蚊, 有得食, 唱到3個幾鐘, 間房又有獨立廁所, 可以接受啦~~印象中算係最好是MegaBox那間CEO, 幾年前去過, 有得食大鮑魚同扇貝, 而且唱到11點都冇叫人走, 不過價錢貴少少~至於我們唱咩?~~ 咩歌都有架, 例如流行歌、TBB劇集主題曲、舊歌、兒歌, 英文/國語歌都有~~ 我就比較鍾意唱謝安琪、容祖兒或王菀之, 聲線比較接近, 她們有些K歌比較容易唱, 而老公唱Eason、學友、劉華等的歌都好好聽架~~希望好快又可以再玩過啦~~