抱歉,發生點錯誤。
重新載入

爲保持穩定性及速度,建議在Wi-Fi或真。無限3G情況下,才上載圖片!

 

詳情
HK
分鐘
服務詳情
繼續預約

(已結業)759阿信屋 均一價大賣場 (紅磡店)

2評論人均$1-$100
電話:
付款方式:Cash
  • 評論
  • 介紹
  • 推薦

Be Fans Now!

登入/註冊後,成為商店粉絲後,即可自動獲得最新商店消息或優惠。

按此成為粉絲

成爲粉絲
點擊同意,即代表您已同意成為該商店的粉絲,且同意服務條款私隱政策退訂政策優惠政策
不同意
同意

介紹

759 阿信屋 均一價大賣場 售賣不同的優質 生活用品 每件$12元 ! 貨品主要為日本製造, 紅磡店、荃新二期分店、西營盤東邊街店首3間分店率先登場 !以下係探險家《大仁生活》為大家作出既實地報導:「【12蚊店】最值得買推介 @《75 9阿 信屋 均一價大賣場》」身為759粉, 知道「12蚊店」開張, 當然要第一時間去朝聖. 我不知道今日是不是好日子, 因為林老闆一次過開三間12蚊店. (真係攻勢凌厲!!)本來死氣沉沉的紅磡廣場, 今日一樓人來人往, 好熱鬧!! (阿太話:「E啲叫新屎坑」, 我就話咁多人都好似我咁...鍾意襯墟啫)開業數小時, 女店員話:「最多人買就係杯杯碗碗」她還教路說:「藍色E款有大有細, 同樣12蚊, 梗係買大嗰款抵啲啦!!」(係喎...好彩妳講咋, 唔係我都唔知!THX)阿太話:「買E個洗米棒好喎, 夠方便」哦!好呀!! (不過, 我哋對上一次煮飯好似係上年中秋節喎)今日聽街坊講得最多:「好得意喎...不過咩嚟架」;「好靚喎...點用架」例如這個木間呎, 可以放入一支鉛筆就是其中一個例子. (但點解要放支筆係把間呎度呢? 我唔識喎)阿太手執一個衣架自言自語:「抵喎...我上次買要$78」(嘩!E家12蚊咪好抵?)「唔係...上次我買3層, 今次得一層, 都買啦」(哦!!咁都抵嘅…不過上次買咗, 今日仲買多個??) 「你識乜吖...多衫吖麻」除了碗我想今日最多人讚, 最多人買的一定是這個蜜糖棒. 不過我和阿太可能少飲蜜糖, 第一個反應:「有乜用支嘢, 會唔會攪得易溶過筷子呢...」我本來發現有一個糖樽, 電鍍蓋...遠睇好靚, 不過近睇就...今日第一日開張, 但三個電鍍位已經脫色, 如果我是店長, 我情願一開舖就掉了脫色的蓋...現在給我發現, 好似有點不襟用感覺喎.林老闆指, 未來會多開20間12蚊店, 不過我覺得759的12蚊, 售賣數類較AEON的12蚊為少, 起碼對手有拖鞋, 有襪, 有淋浴品等選擇.今日又聽到有街坊對話:「好似無咩賣咁嘅??」(係囉...九展嗰間759多好多嘢賣, 又大間), 「係咩, 咁不如走啦, 搭車過去睇吓啦」之後兩家庭就即時離開了...(不過九展嗰間759唔係12蚊價錢喎, 又唔可以咁比較嘅)店舖在收銀的另一邊, 放置了一批小家電, 電燈泡, 保溫壺之類. 不過全部正常價錢, 並非12元.我問SY:「E!呢個大眼仔燈12蚊米好抵?」小朋友竟然答我:「咁靚點會12蚊? (咁幾錢呀?) E度無寫, 你想知係米? 我同你問哥哥...」我估不到一向細膽的小朋友今日竟然夠膽問人價錢, 我微微笑..忽然覺得阿囝又大個咗啦!! (阿囝大叫:「$299呀爸爸...你笑咩呀?」) 無無無...我笑...個價錢貴啫...其實, 為何放小家品的地方, 不同時出售12蚊貨品呢? 是學策略? 還是不夠貨 ? 門外漢的我真的識條鐵吧!! 新店開張首一周, 全部貨品有會員價8折, 即全場10.8元, 而且膠袋免費, 絕對抵抵抵X10.他林老闆強調:「12蚊店有85%貨品都係《日本製造》」, 我們買了四件貨, 回家一看, 2件日本製, 一件台灣, 一件大陸. 命中率只是50%PS: 12蚊店最有印象東西…最要研究東西:我最初以為是汽水保持有氣密實蓋…原來是給人Party分辨那支飲品是誰人的識別標籤, 簡單來說如同用雙頭筆寫名的功能一樣.最實用又抵買東西:叉電, 一分二USB, 汽車叉等手機用USB線, $10.8一件確實超抵.最好睇唔好用東西:防止餅乾碎裂, 可以掛在手提袋的靚靚餅盒, 不過Size最多只可以放兩塊餅, 靠這盒可能會餓死.