前幾日, 要去天后攞嘢, 所以攞完嘢就同老公出街食飯, 我攞嘢做度係

炮台山MTR 仲要行多一段路, 要搵嘢食就要向天后行, 比我哋見到

幾間店, 其中一間寫住食台灣嘢的店, 門口貼住話食"鍋燒麵 "

我都未試過, 當然要入去試下啦!

叫咗2個鍋燒麵套餐(分別係鹽酥豬扒及醬爆貢丸)及兩杯珍珠奶茶

再叫多個魷魚酥(好似雜誌推介喎), 先送來的係兩杯珍珠奶茶味道唔錯,

珍珠就硬咗少少, 唔夠軟身, 其實呢杯珍珠奶茶飲落唔多似台式奶茶,

似茶餐廳個種FEEL, 而碟魷魚酥就真係唔錯, 唔怕熱氣的話, 值得一試,

到D鍋燒麵嚟到, 又係好細碗的, 唔係我大食, 真係好細, 夾咗3-4啖就食

完個麵, 個口大D, 1啖就食晒, 好在碗麵有半隻鹵水蛋, 整體味道OK 的,

D 豬扒淋咗D (唔脆), 食晒多有嘢剛剛好飽晒! 成為$82, 價錢都好合理!

總結: 如果大食的建議食飯, 唔好食鍋燒麵, 個麵真係好細, D 小食及杯奶茶係唔錯的,

整體不過不失, 有機會行開, 可以去試下的!

地點: 銅鑼灣威菲路道6A地下 (星期日休息)