|
情人節晚餐 之 打邊爐 - 花園酒家 @ 葵興
|
|
軍曹基地
2011-02-15
1274
0
|
分享
收藏
| 年年既情人節, 啲餐廳都會大幅加價, 食物同平時差不多,但價錢可以貴接近一倍 … 我哋唔想無啦啦俾人掠到一頸血, 所以我哋都唔會揀呢啲日子食西餐, haha ~ 為咗醫飽隊長個肚, 我哋今日嚟到花園酒家任飲任食火鍋 .. yeah !! 成日都覺得花園酒家打邊爐好抵, $98/位, 任飲任食, 仲可以混醬 tim !! 每次都例牌會叫既竹蔗水, 夠凍, 夠甜, 又夠濃味, 正 ~ 混醬, I like it :) 莞茜皮蛋湯底, 好香呀 ~ 好, 開波 !! 肥牛, OK 唔太肥, 唔錯 ~ "塞米" 放落湯度做湯底 ~ 芝心丸 ~ 芝士腸 ~ 好正既墨魚滑 ~ 啲蝦長叫長有 ga, 仲要好新鮮, 食到隊長舔舔脷呀 !! 炸魚皮 ~ 蘿蔔 ~ 豆腐 ~ 又係要嚟做湯底 ~ 2nd round ~ 又嚟多碟肥牛先 ~ 係時候要食菜喇 ~ 叫咗西洋菜 ~ 生菜 ~ 其實我哋斷斷續續叫咗好多份蝦吖, total 食咗 61 隻, 响呢度打邊爐, 食蝦真係無欺場 !! 啲竹簽多到 =.= …. 魚皮餃 ~ encore 既墨魚滑 ~ 隊長每次打邊邊一定會自制一隻溫泉蛋 !! count 住煮 4 分鐘, 食得 !! 最後梗係要叫個出前一丁啦, 心癮, 有晒味粉同麻油 ga ~ 嚟多 jar 竹蔗水先 ~ 仲有生果同糖水送 ~ 服務超好, 啲野食又 OK, 次次都覺得响度打邊爐好抵 !! Total : $196
感謝 軍曹基地 提供以上資料 軍曹基地的網誌: http://keroxtama.blogspot.hk/
|
~END~
| 商店 | 花園金閣酒家 Garden Restaurant |