|
寶蓮素食 @ 荃灣
|
|
軍曹基地
2010-07-31
786
0
|
分享
收藏
| 雞仔 : “咦, 鬆鬆, 我地今日食一樣以前响家鄉從未食過既野 !!!” 鬆鬆 : “究竟係咩黎 ga ??” 雞仔 : “今日我地食齋呀 ??” 鬆鬆 : ”唔制呀, 咪無肉食 lor ?!” 話說隊長除左係一個食肉獸之外, 佢竟然都鍾意食齋架喎 !!! 真係估佢唔到呀 ~ 而家度度都任飲任食, 連食齋都有得任飲任食, 勁呀 !! $68 一位, 茶芥 ($5 一位) , 加一另計, 可以任叫指定餐牌上既食物 ~ 呢碟就係前菜 - 菠蘿 ~ 鬆鬆 : “呢個齋鹵味好似唔錯 bor ~” 飲品有兩種 - 豆漿 & 橙汁 ~ 豆漿淡淡地無乜味, 橙汁一般酸啦 ~ 五柳素黃魚 ~ 雞仔 : ” 條 “魚” 雖然賣相唔係咁靚, 但幾好味喎 !!! 尤其係個汁呀 !!!” 菠蘿咕嚕肉 ~ 做得唔太似豬肉, 有 d 硬, 一般 ~ 鬆鬆 : “雞仔呀, 呢個明明唔係肉黎 ga wor, 但又要扮肉 …. 又扮得唔似喎 !!!” 紅燒桂花翅 ~ 同一般碗仔翅無分別 ~ 雞仔 : “點解 d 餸無一樣係真既 ??” 我地實在太鍾意食齋鹵味, 所以叫多一轉 ~ 其實個齋幾好味 ga ~ 喜鵲燕還巢 ~ 鬆鬆 : “雞仔 … 你返屋企喇 ?!” 其實即係有蘑菇, 草菇, 粟米芯, 西芹, 紅蘿蔔, 馬蹄 ~ 都唔錯吖 ~ 個雀巢 (炸芋頭絲) 好味呀, hehe ~ 豆漿 again ~ 菠蘿雞粒炒飯 ~ 隊長 : “呢個炒飯完全 failed !!!” 明明係菠蘿雞粒炒飯, 無啦啦變左西炒飯 ?! 西炒飯都唔緊要, 炒到痴笠笠咁, 成 pat 野先係問題 ….. 雖然係 failed, 但隊長仍然 KO 晒成碟飯, 冇嘥嘢 … =.=” Total : $68 (x 2 位) + $5 (茶錢) (x 2 位) + 10% = $161 唔係好難食既, 但又唔係好好食 lor, 加上某部份既老臣子招呼實在嘛嘛地, 不過好彩 d 阿姐都幾好禮貌 ~
感謝 軍曹基地 提供以上資料 軍曹基地的網誌: http://keroxtama.blogspot.hk/
|
~END~
| 商店 | 寶蓮素食 |