|
安東尼小廚 @ 西貢
|
|
軍曹基地
2010-05-21
896
0
|
分享
收藏
| 傍晚時份响旺角見無野做, 即興入西頁行個圈先 ~ 佛誕假期既西貢都幾熱鬧吖, 响碼頭附近有一大堆人, 我地又襯下熱鬧先 ~ 行入去海鮮街先 ~ 响 d 食店前面見到有一大堆人圍住, 過去八下先 …. 原來地下放左幾條呢 d 魚 …. 原來佢個名叫做 “鱟” (讀音 - 猴), 仲要係藍血 ga … 好恐怖吖 … 會爬架 … d 老外小朋友仲砰住佢條尾玩 … 真係殘忍 … [youtube http://www.youtube.com/watch?v=xud8Vu3d1iI&hl=en&fs=1] 响海邊行左一輪, 我地又睇下今晚既晚餐先 ~ 其實我地次次黎西貢都會黎到 “安東尼小廚” 開餐 ~ 咦 ?? 乜新裝修過吖 ?? 裝修得好靚呀 !!! 聽老闆講, 原來佢地啱啱先裝修完無耐 ~ 好多客人都係啱啱先知新裝修過 ~ 開頭以為裝修過, d 食物會加價 tim, 但望下門口餐牌又無喎, 不過而家星期六, 日及公眾假期會收加一囉 ~ 成個格局唔同晒, 無左車仔麵檔, 牆身有塊落地玻璃, 地方變得闊落左, 色彩都幾簡潔, 加上 d 枱櫈都換過晒, 尤其張櫈坐得幾舒服 ~ 坐低左一陣之後, 老闆同老闆娘竟然認得我地, 聽佢講原來裝修左兩, 三個禮拜, 我地都有年幾兩年無黎過喇, 好彩無踏正佢裝修期間黎到咋 !!! 哈哈 …. 本 menu 咁 LV feel 既 ?? 其實每次黎我地都無睇過餐牌, 皆因次次隊長都打黎預先 order 好晒食物, 一黎到都唔使二等兵操心就有野食喇 ~ 其實二等兵勁鍾意飲佢個忌廉蘑菇湯 ($35) ~ 但今晚的蘑菇湯似乎失左少少水準 ~ 以前既蘑菇湯勁重蘑菇味, 同埋好 creamy, 唔似平時去既餐廳咁似 “生粉獻”, 但今晚感覺上蘑菇味唔夠濃, 同埋 d 湯有少少一粒粒的 “糕” 狀物体 ~ 不過味道仍然係比平時去既餐廳所飲到既好 ~ 呢個牛尾濃湯 ($35), 好好味呀 !!! 餐湯跟餐包 - 蒜蓉牛油多士, 勁香蒜蓉味, 正 !!! 香草薯蓉焗田螺 ($72) ~ 每次黎到都會叫呢個, 最鍾意佢個薯蓉, 有少少薯仔粒, 好好味 !!! 食左幾餐平民飯堂, 今晚我地食豪 d !!! kakaka ~ 呢一客 “法式煎鵝肝” ($100), 其實都幾貴 ga, 不過鵝肝喎, 襯仲 “後生” 試下先, 唔係老左唔食得 … !!! 好滿足呀 !!! 味道好正, 配埋呢個甜汁, 好好味呀 ~~!!! 呢客係 “芒果海鮮飯” ($105) ~ 海鮮類明顯係 “smoke” 過 ~ 好香煙燻味 ~ 呢舊飯啱晒飯桶隊長喇 !!! XD 睇下有咩海鮮先 ~ 蜆肉 (x 2) ~ 就咁用鹽水煮, 唔使點汁都好鮮味 !!! 蝦 (x 1) ~ 都幾大隻, 好爽口, 新鮮, 好正 ~ 魷魚 (x 1) ~ 配埋煙燻味, 好味吖 ~ 蟶子 & 魚塊 (x 2) ~ good !! 其實個精髓係响個芒果汁度, 有芒果肉, 配上咸咸地既海鮮好醒胃, 係一個好配搭 ~ 睇到鬆鬆流晒口水 ~ 三椒蜆燴意粉 ($85) ~ 蜆肉有 13 隻 ga ~ 同埋隻隻都好多肉, 又肥美, 正呀 !!! 意粉索晒 d 紅椒既汁, 好有中西 crossover 既感覺, 開頭諗住唔知個汁同 d 意粉 match 唔 match 呢 ?? 但食落真係好有驚喜 !!! 食鵝肝既時候食得好開心, 隊長先後悔無買酒黎邊食邊飲, 因為呢度免開瓶費 ga, 其實我地見到好多街坊買埋海鮮黎呢度俾老闆煮, 不過就唔知點收費喇 ~~ 另外如果訂位係有甜品送 ga, 甜品包括 : 芝士蛋糕 & 士多啤梨布甸, 不過由於今日玩即興, 所以無得送, kaka ~ Total : $475 (包加一)
感謝 軍曹基地 提供以上資料 軍曹基地的網誌: http://keroxtama.blogspot.hk/
|
~END~
| 商店 | 安東尼小廚 |