|
碗屋@中環 (1)
|
|
軍曹基地
2009-04-10
1122
0
|
分享
收藏
| 今日係長假期的開始, 二等兵只可以玩兩日就要進入考試既閉關期……. 於是今天安排了同屋企人渡過~~ 家中兩位長老食 buffet 就食得多, 但就未食過日式放題, 所以我地今日 book 左碗屋同佢地試下~~ 由於今天是 easter, 所以只限食 2hrs, $298/位, 後尾先知長者可以 -$100 = $198/位~~ 於是長老一號就好開心咁享有呢個優惠喇~~ gogogo…………….!!! 我地一行 6 人, 黎到都冇乜人, 不過唔夠 15mins 已經坐滿!! 就係在呢個 menu total 50 款食物上任點~~ 店員很細心, 因為我地坐低既時候仲有兩位未來到, 我地本來想等埋他們到來後才叫, 但係店員主動問我地: “不如叫個剌身拼盤食住先?” 呢個 service 太 good 啦!!! 於是我地就首先叫左呢條船~~ d 剌身真係超勁新鮮~~!!! 呢條船包括 : 劍魚, 油甘, 三文, 希靈魚, 牡丹蝦, 甜蝦, 帶子, 北寄貝同赤貝~~ 好新鮮既帶子~~ 海螺剌身~~ 原來星期五係會有特別野的, 就是 帆立貝/鮑魚/生蠔, 每人任選一份~ (呢三款食物 menu 冇的~) 帆立貝真係好得, 好好味, 估計裡面是有芝士的~~ 鮑魚好太隻, 夠晒淋, 正!! 因為二等兵唔食生蠔, 所以冇試食, 但試過呢兩隻既屋企人話寧願選擇帆立貝或鮑魚~~ 食晒剛才叫的剌身拼盤好似唔多夠喉, 所以再黎多 round 先~~ 今次重點出擊~~ 蟹籽沙律, 正~ (應該話好難會做到唔好味的, hehe~) 豆腐沙律, 配上麻醬, 好好味, 好清新~~ 炸軟殼蟹~ 正!!! 鵝肝, 好得喎~ 之後叫左幾款鐡板燒~ 有帶子, 蝦 & 多春魚~~ 好味~~ 冇法啦, 呢度有 6 個剌身怪响度~ 再黎多 round 剌身先!! ^^ 牛肉薄燒~~ good~~ 嘩?! 乜咁多手卷既~~ 因為佢寫住 “小手卷” , 我地以為一件一啖, 黎到先知係同平時食開果 d 差不多 size~~ 牛油果蝦沙律小手卷, 正!! 海膽小手卷~~ 算啦响 HK 食海膽始終唔會搵得返在日本食果陣既感覺~ 不過, d 紫菜好脆就真~~ hehe~~ 下面果個係味付魷魚小手卷, 一般~ 豆腐沙律 encore~ 燒豚肉, 正~~ 剌身拼盤, round 4!!! Round 4 都仲好新鮮呀!!! 完全冇漏單!!! 燒羊鞍!! 好有羊酥味, 正丫!!
感謝 軍曹基地 提供以上資料 軍曹基地的網誌: http://keroxtama.blogspot.hk/
|
~END~
| 商店 | (已搬遷)Wanya Japanese Restaurant |