|
和花亭@海港城
|
|
軍曹基地
2009-02-14
788
0
|
分享
收藏
| 今日係情人節, 我地梗係唔走去食情人節餐啦, d 所謂既情人節餐其實同平時既食物一無一樣, 但今日就會貴 double, 所以壽司怪二等兵今日又話走去食壽司, 真係唔知點解食極都食唔厭架~~ 其實大約年半至兩年前左右二等兵都有一段時間鐘情於和花亭既壽司架, 但後來因為金水, 一壽司等等壽司舖都好好味之後, 選擇多左之下, 二等兵都好耐冇去和花亭了………… 真係唔知係要求高左, 定係真係去完日本返黎有所比較呢? 今日食完呢餐之後下次都應該會選擇第二間壽司舖囉……. 平日既和花亭都已經排晒長龍的, 所以我地特登早 d 去, around 6:00pm 去到都有一堆人0係門口 lu, 不過都好彩等左 20mins 已經有位了。 等位果陣, 門口有張紙寫左一大堆食物係售罄,e.g. 海膽, 咩咩魚果 d, 但睇落大部份都唔係二等兵既 “飛佛”, 所以照入去~ 坐低睇下有乜好食先, 但係迴轉帶上轉緊 d 壽司都係貴價版既, 例如想要一碟淨三文魚好耐都見唔到, 硬係要加幾粒魚子上去就收貴人 $10 (隊長唔食魚子架嘛….) 於是就 order 食物啦, 但睇晒成本 menu 原來呢度係冇軟殼蟹架!!!……每次一定要叫軟殼蟹手卷既二等兵勁失望!!! 鐘意食軟殼蟹既人要留意啦!!! 當我地想落 order 既時候發現一個侍應都冇, 等左好耐都冇一個侍應經過, 隊長第一次黎和花亭, 仲問我其實呢度係咪直接遞單俾壽司師傅? 終於肯定左原來係有侍應落單既~ 坐低左無耐, 壽司師傅放了幾條魚生0係 show desk 上, 我地咁啱坐果個位對住張 show desk~ 哈…好得意~ 擺好晒, “封箱” 先~ 終於有野食~ 因為太耐冇黎過呢度, 所以叫幾碟試下質素先~ 我地叫左火炙三文魚壽司, 熟蝦沙律壽司~ 你睇件壽司做到幾求其…..個賣相已經扣晒分。 雖然係火炙三文魚, 但係食唔出果種 “火炙” 味道….而且塊三文魚一 d 味都冇… 睇下迴轉帶上有乜壽司先, 熟帶子壽司完全冇興趣… 冇左軟殼蟹手卷, 唯有叫加洲手卷啦…味道普通, 冇乜特別。 仲有兩碟三文魚壽司等左好耐都未黎, 起碼 order 左 15mins 先到… 但係呢度 d 三文魚係完全冇魚味, 真係一 d 味都冇….. 食左幾碟野都唔係太惦, 攪到二等兵無乜 mood, 隊長為左氹下二等兵, 於是就叫左個刺身沙律俾二等兵喇~ 個賣相都幾得!! 但係 once again, d 三文魚係一 d 味都冇…….算吧啦…. 食左幾樣壽司之後, 已經冇興趣再 order 食物了, 食完刺身沙律諗住飲埋杯水就埋單, 但係攪笑既事情就0係呢個時候發生…… 突然有一碟壽司0係迴轉帶上飛左落我地個位度……我都未嗌, 隔離果個女人已經嗌先過我, 我定一定神, 望下個師傅, 見到兩個師傅 o 晒咀咁呆左, 我正想叫後面個經理埋黎既時候, 個師傅先識得0係我地個位度執返兩件壽司掉左落垃圾桶, 然後先講聲唔好意思…… 食左 n 年壽司既二等兵真係從來未遇到過如此既情況, 一個字: “勁” !! "千兩既價錢, 金太郎既質素 。oh…應該話金太郎 d 質素係好過佢架….." 仲要無乜服務可言….
感謝 軍曹基地 提供以上資料 軍曹基地的網誌: http://keroxtama.blogspot.hk/
|
~END~
| 商店 | (已結業)和花亭壽司 Nagoyaka Tei |