|
週未去郊遊 之 流浮山
|
|
軍曹基地
2010-11-20
1020
0
|
分享
收藏
| 好耐未去過郊遊喇, 就趁一個無紅假加上秋風送爽既月份去郊遊下先 ~ 上次睇完 Tracie FB d 相後, 就話去下二等兵同隊長都未去過既流浮山 ~ 放工後, 食左個晏就出發喇 ~ 由上環站坐西鐵去元朗站, 一程都廿幾蚊架, 既然而家有得換地鐵飛, 梗係用得唔好嘥啦!!! 慳返廿蚊夠食一個早餐喇 ~ 兩款票, 我地又一人一款, hehe ~ 黎到元朗站, 坐呢架港鐵接駁巴士 (K65) 到流浮山 ~ 等左成 20 mins 先有車 ~ 因為頭先有個男人話上左車 10 mins 就到喇, 但估唔到要坐成 20 - 25 mins 先到吖 ~ 落左車, 沿住呢條路行入去 ~ 哈哈, 今日帶虎年鬆出街先, 再唔帶佢出街, 要 11 年後先見喇 ~ 一入去無耐已經見到阿叔响度開蠔喇 ~ 曬咸魚 ~ 好多海味賣呀 ~ 哈哈, 好似大澳咁吖 ~ 生曬蠔豉 ~ 有大有細, 大起上黎都幾肥美 ~ 另一個檔口响度開蠔 ~ 呢隻勁肥呀 ~ 行到海邊喇 ~ 對面就係深圳喇 ~ 條橋就係深圳灣大橋 ~ 鬆鬆 : “白熊, 唔知呢 d 一粒粒既野好唔好食架呢 ??” 隻狗好 “英” 呀 ~ 個海好灰濛濛呀 …. @@ 蠔殼牆 ~ 有咩用架呢 ?? 蠔殼, 蠔殼, 同蠔殼 ~ 剛才位哥哥開完蠔, 而家拎去曬喇 ~ 佢話一般黎講要曬 4 - 5 日喎 ~ 呢 d 明顯黃色 d ~ 應該唔係啱啱曬 ~ 呢 d 明顯白 d ~ 除左蠔屎, 仲有蝦乾 ~ 諗起都正 ~ 開邊曬 ~ 日落喇 ~ 行返入條巷度 ~ 瀨尿蝦 ~ 花膠 ~ 好想買條咸魚呀 ~ 但無理油揸住條咸魚同隊長拍拖架, 哈哈 ~ 各款海味 ~ 鯊魚骨 ~ 茶果呀 !!! 買件黎食先 ~ 本來 $10 (4 件), $6 (2 件), 但因為隊長唔食, 所以老闆用 $3 賣左件俾二等兵 ~ 揀左件花生味, 好味 !! 同一個檔口, 見到呢個鎮店子薑皮蛋酥, 好吸引呀, 又買左 1 件 ($7) ~ 新鮮出爐, 熱辣辣 ~ 出面餅舖賣果 d 通常係半個皮蛋, 但呢個係原個皮蛋架, 好好味 ~ 响店舖影下相先 ~ 樣樣野都好想買黎食呀 .. 可惜兩個人邊食到咁多野 ~ 麥芽糖呀 ….. 最後忍唔住買左包甘草黃皮 ($25), 好味架 !!! 都差唔多要出返市區喇 ~ 本來行返去巴士站坐 K65 出元朗, 但後面見塞車又無車黎, 改坐小巴 (34K) 出天水圍西鐵站 ~ 個小巴司機見塞車而改行另一條路, 點知去到某個位竟然入錯路口轉左去一條對頭車既高速公路喎, 佢一轉上去已經有乘客喝住佢叫佢唔好轉架喇, 但佢唔理照轉, 之後個乘客係咁爆粗叫佢轉返去前面個路口佢先知自己行錯路, 好彩當時無對頭車咋, 唔係後果實不堪設想呀 …. 好恐佈呀 ….
感謝 軍曹基地 提供以上資料 軍曹基地的網誌: http://keroxtama.blogspot.hk/
|
~END~
| 商店 | 流浮山 |