話說龍媽媽又去食自助餐啦！
其實龍媽媽和龍爸爸食量唔多，龍爸爸對生冷野更加唔感興趣，
所以龍媽媽其實很少去食自助餐，去到系因為同屋企人慶祝生日，
今次龍媽媽的妹妹生日，但龍妹妹無咩要求，有甜品食就ok啦！
龍媽媽之前見仕德福酒店有下午茶的團購，幾抵，加埋一，一百蚊都唔洗，
但想買的時候就已經賣曬！
早幾日上網睇見它的lunch 自助餐都唔貴，只系$118，
而openrice仲要有8折優惠卷，加埋一，每位只需$106到，真系好平！
食個lunch都要四、五十蚊啦！加上今次個自助餐仲要有蠔食，立即book位！



自助午餐由12:00-2:30，地址在旺角豉油街118號仕德福酒店閣樓 ，
距離地鐵站都有一段距離，不過酒店都幾新，
去到侍應安排了窗口台給我們，環境都好舒服，而侍應更加主動給BB椅給我們，真系抵讚！

坦白說未去之前已經知道選擇唔多，無刺生，只有生蠔，去到見到所有食物都放在一張長桌，
冷盤方面有2-3款沙律，可以自已整冷律，有冷麵、冷火腿和鴨胸等，選擇方面都可以接受！

不過生蠔方面真系少之又少，食了兩個鐘，生蠔出的次數只有5-6次，
每次仲只有30隻，有時每人拿5-6隻，好快就給人拿曬，龍妹妹幾經辛苦先拿到一碟，
坦白說一百塊的自助午餐可以食到生蠔，真系唔可以要求咁多，
而家咩都貴，吃了呢碟生蠔已經值回票價啦！
不過生蠔唔算太肥美，但亦唔太差，一般般貨色！

之於熟食方面都系一般般，龍媽媽最欣賞的系個炸芋球和個意大利雜菜湯！
個芋球幾香，幾脆，不過一定要它出爐的時候就要吃，淋了就唔好食，
而個雜菜湯好濃，好多料，好好味！龍媽媽飲了2碗！

終於到龍妹妹最愛的甜品時間啦，小女孩總愛甜吃，
甜品方面都ok，大約有十款，個芝士餅都幾好食，
原本興致勃勃想食個楊枝金露，可惜不太好吃，味道怪怪的！
其它甜品一般般，味道都可以接受，不過唔會有特別好吃的！
不過有個朱古力噴泉，滿受小朋友歡迎！

這個即製鮮果班戟系呢頓餐的最愛，即製的班戟可以自選自已喜歡的材料，
剛煎起的班戟又香又煙un，而配埋融化的cream和生果，真系唔錯！
坦白說單系個班戟今時今日在街食都要30蚊啦！

同場仲有機磨咖啡和雪糕，仲有自選粥和即切豬柳等！
雪糕雖然得2隻味，但龍妹妹說味道還不錯！
埋白說今場自助餐不過不失啦，雖然無咩好大的驚喜，但一分錢一分貨，
龍媽媽從來都明白呢個道理，現在百物騰貴，出街食一個飯都要40蚊，現在有咁多野食，
環境亦唔差，坐低輕輕鬆鬆食一頓，咁的價錢雖未去到超值，但亦十分合理啦！

同場加影，十分頑皮的龍哈仔，大家唔可誤會龍哈仔咁細，龍媽媽就給電話他玩，
龍哈仔只系拿著拍下照炸，龍媽媽絕對唔會給龍哈仔咁早玩電話等電子器材！
呢一秒好似好乖好正經，下一秒就系小魔怪出現！

成餐飯無時停，爬桌，玩紙巾，四圍爬，簡直不受控制，龍媽媽龍爸爸大叫救命呀！

張椅雖然無安全扣，但龍媽媽覺得有同無系無分別的，
因為龍哈仔而家居然可以自已在張BB車上逃走，
無錯系用了安全帶扣住都可以整開，然後站在BB車上，
龍媽媽真系未見過D BB咁細就咁頑皮，真系頭痛！