睇個名唔好似為佢只係踩單車，訓練同埋比賽用途，其實整個場館除左單車運動的用途外，仲有好多不同的運動設施在內。例如健身室、乒乓球室，還有最受大家歡迎的羽毛球場、籃球場等，整個場館其實係一間大家平時認識的室內體育館一樣的。

圖片取自康樂及文化事務署網頁：http://www.lcsd.gov.hk/lsb/photo/SK/hkv_4.jpg

係咪好大呢？這兒只係主場館，仲未睇到我剛才講的其他地方。不過我當然唔係想介紹佢有乜野康樂設施啦！我最想介紹俾一眾家長的係兩個好正的地方。

就係單車館內的兒童遊戲室，同埋單車館隔離既單車館公園。這兩個設施都係新鮮滾熱辣啱啱開放的。兒童遊戲係今年四月中先開放，而單車館公園更加係四月三十號才剛剛對外開放。

首先講下兒童遊戲室：

如果你有去過政府的兒童遊戲室，你就會知道係佢個分類上面，其實係有唔同的主題的，單車館兒童遊戲室的主題就係「極限運動」，不過內容有幾極限就見人見知啦…

睇下開放時間先：
大家留意啦，基本上每四十五分鐘一節，之後有十五分鐘清潔時間。如果你想玩就要睇住時間早一點來排隊。根據看更阿姐所講，星期六日、假期係好多人的…
不過我地今次去試下新遊戲室係平日的下午，小朋友午睡瞓醒我地就出發啦。我地玩既係四點三十分那一場。而根據我地測試過幾次，者時平日都係唔駛等的，最扺玩就係晚上6:30分那場，可以玩到8:00。
遊戲室的整個樣子，手機拍攝，有點手震。

 基本上你睇到的設施都係軟膠的，連架車都係，小朋友跑跑跳跳都無咁易撞到。
瀡滑梯，上面仲有少少空間跑跑跑的
 可以自由配搭的膠板及膠管。

訓練身體的膠車軚，據我當天所見，唔係咁多幼稚園小朋友可以第一次都爬到上去。當然小學生就唔同啦。
膠車，其實主要用途都係爬爬爬。
這一邊比較幼兒區一點，文靜一點，有一些用腦玩的玩具。

這個好玩，小朋友都玩左好耐，係考你點樣將內裏的車移晒去停車場。
等候區，反正就係排隊，睇管理員指示就OK。不過要留意，這兒唔係計小朋友的，人數40人係計埋大人的…

第一次玩我地那一日玩左三場，足足去到七點先返屋企食飯。可能因為仲新的原因，唔係咁多人玩，所以我地可以玩完再玩，但係遲一點多點人知道，同埋夏天太晒太熱去唔到公園時仲會唔會咁就好難講啦。綜合而言，我覺得呢個遊戲室的設施較為單調，如果你的孩子喜歡跑跑跳跳既，咁都幾適合佢玩，但係喜歡砌下野，文靜一點的呢，就唔係咁合適了。不過早來早享受，我都建議大家係佢仲係新淨時快點來享受下呢個設施。

2014年5月6日發現已經有損壞出現了，大家一齊好好愛惜遊樂設施。

場館介紹：
香港單車館—康樂及文化事務署

場館地址：將軍澳寶康路105-107號
查詢電話：2878 8622
交通資訊：
如果你想自駕，場館係有停車場的，入口係寶康路，你可以泊係單車公園或者將軍澳運動場。

而我相信大部份人都係用公共交通，而最簡單其實就係由地鐵站行過來單車館，而最近的站那別為坑口及將軍澳站，我覺得步行距離差不多。

港鐵
坑口站B出口
將軍澳站A出口
坑口站步行方法：

將軍澳站步行方法：

好啦，香港單車館隔離係仲有一個好大的公園的，不過就留待後篇介紹啦。
香港單車館及公園 (公園篇)