15 JUNE 2014(SUN)

話晒都係大肥豬生日兼父親節，當然要搵啲節目去慶祝一番啦！

大肥豬話上次科學園玩"探索科學．創藝坊"都覺得活動同環境都唔錯(請按此)，所以就提意入去科學園玩一轉啦~

上次因為係應邀出席，所以玩嗰啲活動就預先有大會為我地安排，免除排隊嘅情況，今次當然要自己乖乖排隊啦！

原本都好想玩晒Art Jamming同T-Shirt創意絲印工作坊，不過原來佢地係11:45開始就會派籌登記，我地去到都已經冇得登記做T-Shirt。我排左差唔多半個鐘左右，就可以登記到玩Art Jamming啦！

正當我排隊時，小小豬就去搵小丑拎汽球玩呀~

個傻仔仔拎左幾個汽球去佈置佢部戰車呀~

由於未夠鐘去玩Art Jamming，所以我地就係科學園四周踏吓單車先~

扮吓憂鬱望吓海先~

上上落落周圍踏~

仲踏埋落去單車徑添~

踏左一轉之後，時間剛剛好，我地可以去玩Art Jamming。可能都已經係第二次玩，所以小小豬都好熟手，化身做個小畫家啦~

之後我地就去玩彈彈床，其實當小小豬一知道我地去科學園時，佢地已經不停要求我地帶佢去玩彈彈床。緊係啦...見佢係入面跳得咁興奮，就知小小豬有幾鐘意玩啦~

係排隊時俾個BIRTHDAY KISS，大肥豬冧到暈啦~

我地排隊玩左三轉彈彈床之後，先去食個午餐休息一陣，之後再係科學園周圍行吓踏吓單車~

玩完單車就嚟玩泡泡~

個傻豬仔真係玩得好興奮呀~

今日小小豬真係玩得勁開心，踏住部單車周圍走，自己鐘意踏去邊就去邊，仲扮叻叻咁叫我地跟住佢嚟行添。平日帶部單車落公園踏一陣就唔玩，真係好少踏咁耐單車呀！

唔覺唔覺我地係科學園行吓玩吓，都玩左差唔多五個鐘。不過其實科學園又真係一個好好嘅地方，周圍環境又好舒服，地方空間又多，玩嘅時候唔洗同其他人迫。玩到熱/攰時又可以入室內休息一陣，食店又多選擇，又有便利店同超市，所以係入面玩幾耐都得呀！

MY FACEBOOK~


MY WEIBO~

MY E-MAIL~

 

其他博客區
※※ SINA ※※

※※ MyBB星級Blogger ※※
※※ BlogSpot ※※

※※ WeShare ※※

※※ She.com ※※

※※ theZtyle ※※

※※ SeeWide ※※

 

※※ BK Milk 親子語 ※※

※※ Cook 1 Cook 星級廚師 ※※