|
〔：快快樂樂水口摸蜆去：）
|
|
MIKOB
2013-09-05
14814
5
|
2013.8.25
呢個摸蜆團由7月頭攪到8月尾終於成行 因為我地都係第一次去摸蜆所以我上網睇左好多有得摸蜆既地方 最終選擇左水口~~~ 因為見到佢有間士多可以借工具, 好方便!
約左1:30係東涌等, 之後梗係係taste買下野食同埋野飲喇! 跟住就去巴士總站個度排11號去大澳既, 中途會經水口架! 同司機講水口村鄉公所落車就得架, 不過我覺得水口村公廁個位近d! 另外仲有一架去大佛既車都經水口架, 不過就貴d! 11號我地等左差唔多1個鐘先上到車, 因為星期日好多人去摸蜆呀! 好彩巴士公司安排d車都幾密, 唔係真係15mins先有一架!
好快, 我諗半個鐘度就到喇 左手邊會見到有間花園屋既士多, 就係e度租工具就得喇 $15份, 包張椅, 爬爬同埋個樽 我地6個人租左3set, $45 + $200按金 full day 租齊野出發...行大約10-15mins就會到泥灘喇
影張5人合照先!
我地6個首先用爬爬開始~~~ 之後我就覺得用手仲好...好易摸到! 不過就真係要小心喇, 因為會不停比其實野介親 我臨走個時就介到即刻流血, 嚇死我!
花園屋好好會提供水比遊人沖腳, 因為係泥灘個邊好似要比錢先可以沖架! 同埋可以比錢佢地幫手炒左d蜆黎食, 佢地仲有得bbq, 不過位唔多記得book位呀!
今日最lucky係走個時去toilet換完衫就有架吉既11號係水口村接人走!!! 太好喇, 本身都擔心係大澳開出連位都冇得企, 而家仲有位坐, 舒服晒
超級好天同好玩既一日 |
| 商店 | 摸蜆 / 掘蜆 必看錦囊 |