早幾日,去左東港城既潮人飯堂食晚飯。

『潮人飯堂』的名字有著兩個不平凡和不同的有趣解說：一是一間屬於潮州人或喜愛潮州菜的飯堂，另一則一間屬於『潮人』或走在潮流尖端人仕喜愛的飯堂！(網上資料)

呢間餐廳主打係潮州菜,當然不能不試。

滷水鵝

滷水掌翼

呢兩款滷水菜,味道唔錯。!

籠仔梅菜皇蒸菜心,梅菜的鹹甜程度岩岩好,

食完菜心,剩返D梅菜攞來送飯,真係好味!

潮州粿肉

呢個就麻麻地,太油膩,配給的醬應該係鹹檸檬整既,

有D鹹又有D酸甜,用肉點左來食,會好食好多!

普寧脆炸布包豆腐

外脆肉滑,唔錯!

呢個食完之後唔記得係咩野,好似係炸蕃薯

雖講係潮州野為主打,但都D都唔係,比如呢個麻辣既魚頭。

味道一般,淨係得個辣字,肉質雖新鮮,但可能煲既時間唔夠,湯汁入唔到味。

食潮州野點少得煎蠔餅哩?

我覺得呢間既煎蠔餅算係我食開最好食的。

脆薄適中,蠔仔新鮮。

潮州婆婆煎蠔餅

雞蛋炒芽菜

潮州怒漢炒麵線

味道OK,只可惜份量太少,我地叫左兩碟。

最後當然唔可以少左蠔仔粥啦!

非常好味!

是晚有人生日,係聖安娜買左個芒果芝士蛋糕。

除左芒果芝士味之後,切開仲有藍霉朱古力綠茶在其中,

真係超好味!

是晚七人食飯,六人俾錢,買完單都係120人/位,算係抵食啦!

記住,如要前去食最好先訂位,因為太多人等位!

TEL:2497 8188

地址:將軍澳重華路8號東港城1樓188號鋪