6 JULY 2014(SUN)

我地三口子半個月前先嚟過科學園玩，估唔到話咁快我地又入嚟玩啦！不過，今次有少少唔同，因為係約埋朋友仔一齊嚟玩呀~

其實原本係打算約埋朋友仔一齊去HELLO KITTY農莊玩，不過睇見好多朋友仔嘅介紹，都話依家勁多人，又話要排隊等入場。為免兩個小朋友係烈日當空下排咁耐隊，所以都係決定改一改個地方，等HELLO KITTY農莊個熱潮過咁啲先再去玩啦！

既然約好左朋友仔，所以都係要搵啲戶外地方玩吓，等兩個小朋友一齊玩吓...放放電。所以最後都係決定嚟科學園，雖然今日冇特別嘅活動，不過一個咁大嘅場地都足夠兩個小朋友慢慢玩。

其實今日兩個小朋友都玩得非常開心，我仲幫佢地影左好多靚相，不過因為朋友仔唔太方便上鏡，所以只係小小豬嘅一小部分啦！

自上次小小豬入嚟不停踩之後，佢都成日話想再去踩，所以今日入嚟最主要都係去踩單車~

又玩吓泡泡啦~

天氣實在太熱，玩左一陣都已經由頭濕到落腳，所以我地都換過件衫，又換個地點(去金蛋下面可以冇咁晒嘛)，繼續再玩過~

兩個小朋友仲一齊學跳繩添~

又一齊拍氣球~

玩到攰(其實係我地班大人攰，兩個小朋友嘅精力都不知幾充足呀)，我地就去食個下午茶。

休息過後又再繼續玩呀~

朋友仔帶左部搖控車，依個百厭豬又話要玩埋一份呀(好明顯係有人搶玩具中啦...哈哈哈)~

我地係入面唔覺唔覺又玩左差唔多四個鐘，不過依兩個小朋友完全唔識攰，仲到唔願走添呀！

哈哈哈...依個爛玩嘅小小豬返到屋企仲問我幾時約朋友仔一齊再去玩過，睇嚟佢今日真係玩得好開心哦。雖然今日又真係熱左啲，同埋都幾攰，不過見個傻豬仔玩得咁開心，都算係值得嘅。

MY FACEBOOK~


MY WEIBO~

MY E-MAIL~

 

其他博客區
※※ SINA ※※

※※ MyBB星級Blogger ※※
※※ BlogSpot ※※

※※ WeShare ※※

※※ She.com ※※

※※ theZtyle ※※

※※ SeeWide ※※

 

※※ BK Milk 親子語 ※※

※※ Cook 1 Cook 星級廚師 ※※