踏入七月,係老公生日月

例牌有三餐生日飯..一餐佢既朋友,一餐我既家人,同埋一餐係我地一家三口

之前佢既朋友個餐已經食咗

因為同人地既朋友,我真係唔好意思上菜個時吓吓相機食先

所以個次無乜影相,都唔可以介紹下了

今次同屋企人食

我就可以唔理咁多..大影特影啦

今次去左細妹介紹,位於官塘工業區既一間西餐廳

由官塘地鐵站行過去其實都好近,唔洗十分鐘

餐廳就係二樓,行樓梯就得,唔洗話搭個啲好可怕既貨lift

係樓下已經見到幾特別既佈置,同大大個招牌

門外都有好多得意既小擺設

仲有幾隻狗狗看門口

入到去,佈置唔錯喎,

因為係工業大廈,樓底夠高,地方又大

最中意佢枱同枱之間好濶落

唔會比隔離聽到晒你講乜

仲有就係啲枱椅都好大張

座得舒服,,叫左啲食物一次上晒枱都得

依樣野真係係地鋪好難做到呢

講完環境,就講吓啲食物

我地5大1細,叫左四個set dinnie,加兩個小食

仲有啤酒...

先尼麵包,包包烘過,面脆脆地,有香草味,都唔錯

餐前小食..係雜菌,下面有一片小小法包,都幾好味

餐湯係磨菇忌廉湯,係磨菇打蓉既忌廉湯,足料

小食有小食并盤,有芝士焗薯皮,洋蔥圈同炸雞翼

另外有腸仔...依個腸幾好味..我中意

到主菜喇

黑松露意大利飯,我本身怕黑松露味,所以無食

佢陣味超勁..我諗中意既人會覺得正卦...

墨魚汁意粉夠香墨汁味,

悠悠第一次食,玩得好開心...

可是......唉~~~~

跟住到牛牛出場喇...牛牛好淋,唔算超好食既牛扒

但百幾二百蚊,幾咁上下啦

仲有牛柳配鵝肝...

唔知你地見唔見到片鵝肝...哈哈

鵝肝我唔食既..牛柳煎得好香口...

為左就媽咪要左七成熟...如果五成會更好

飯後甜品,有燉蛋

一食...發現原來係薑汁燉蛋

不過睇相就知啦...真係老過阿婆....kakakaka

依個算係依一餐最失敗之作

唔怪得咁多人會加幾蚊轉雪糕啦

食飽飽埋單,5大1細, $11XX

價錢都OK抵食...

推介大家相約大班朋友尼傾計食飯

依到環璄幾好,但又唔會係好靜,好浪漫氣氛個隻

所以大班人如果嘈左小小都OK既

拍拖想浪漫就要考慮吓喇..