19/07 朋友本應是 7 月頭生日的但要約齊人就變得遲咗 !

近期公司附近的 "RUTICO" 的確成了我星期六午餐的飯堂 ,

我諗由佢開業至現在我差唔多隔個星期六都會去一次 ,

點解咁癲因為呢有朋友見到我推介又要我陪佢試啦 !

有時約人星期六又唔知食咩好我又會叫朋友過來一試 ,

就好似今次咁要同 7 月之星食飯地點都係由我揀的 ,

我諗都唔駛諗就推介比朋友們試好彩都獲得大家的好平 ,

無論環境及食物質數朋友們都好滿意 , 可以令朋友開心我亦都好開心 ^^

又是我的至愛 " 傳王西班牙馬鈴薯洋蔥奄列 "

今次件蕃茄多士大件咗好味咗 !

" "RUSTICO"特色烤雞肉凱撒沙律 "

" 招牌秘製地中海燒雞伴傳統香草馬鈴薯 "

嘩 ! 今次隻燒雞又滑又 juicy yummy ! yummy !

" 廚師精選香草甜酒煎海魚 "

朋友們都勁讚呢個魚整得好食

" 特選初榨欖油香蒜海蜆意大利粉 "

個海蜆好大隻又鮮甜朋友們讚口不絕個意粉都 ok 架 !

" "RUSTICO"招牌西班牙伊比利亞黑毛豬海鮮飯 "

呢個西班牙海鮮飯基本每次都成為我必食之選

" Tiramisu "RUSTICO" " 又是必食之選

" Homemade Brownie with Walnuts "

呢款甜品都係第一次試有驚喜暖暖地有少少脆口夠朱古力味又唔會好甜 ,

朋友們都勁讚好味最後我哋還追加了一次 order yummy ! yummy ! ^^

點解呢間餐廳咁吸引令我不斷咁推介比朋友試 ?

係因為我欣賞佢哋不斷改進不斷求變務求令客人滿意既精神同態度 ,

而且從今次的飯聚中亦令我同朋友都感受到佢哋既細心 ,

加上每個星期都會轉餐牌令我每次去都會有少少唔同 , 

令喜歡貪新鮮的我先無咁快覺得悶繼續同友來飯聚 ^3^