如果我說一個月前才認識「自拍館」這「玩意」, 大家應該也會覺得我這個阿叔「好OUT」.

因為網友「小小豬媽媽」介紹, 我才知有「Snap!HK全港最chur自拍體驗館」. 仍然停留在貼紙相的年代的我, 跟年青同事傾開:「係呀!E家邊仲有人影貼紙相架, 個個都去玩自拍架啦!」

今日, 大鄉里一家6口齊齊走去Snap!HK旺角新分店初體驗. 嘩!! 原來真的好玩到不得了.

在山東街中橋大廈等電梯期間, 阿囝問:「爸爸點解要影一個鐘頭相咁耐嘅, 影一張米得囉!」我答:「同事話好好玩架, 試下先啦!!」

較預訂時間早到15分鐘, 走到16樓SnapHK, 店長Conner好好人,叫我們先揀定服飾, 阿囝話要比卡超, Conner主動上前幫阿囝換衫, 實在太好人了, 比卡小超當場要和店長來一個合照留念吧!!

一小時任影, 每次每人可以揀兩套「戲服」入房, 每間房有六個不同佈景畫更換.

拍攝非常方便, 一個搖控按一個制, 就可以自拍一張「打晒燈」的靚靚相, 嘩!! 打燈角度計得非常好, 我那一對如五元的眼袋也不見了. 即時肌齡逆轉20年, 張相影到我十足中學生一樣呀!!

房間更有大量大量道具任用, 任戴, 任玩. 真的每一張相也絶對不會單調.

阿太問Conner:「我見網友有畢業背景, 不過我哋間房無嘅, 因為阿囝剛剛幼稚園畢業, 想順便影埋…」Conner答:「唔好意思!! 畢業背景要尖沙嘴分店先有… 」無問題吧!! 我們自備了畢業衫, 黃襯紫靚靚.

阿囝說今天最開心就是扮熊大, 他真的中了Line毒太深了.

而阿太則說變身「喜劇之王」張柏芝最顯得有初戀的感覺喎!!

所以我也加以配合齊齊水手服變身更年青的仁妖Sailormoon吧!!

我覺得孖寶兄弟的配搭, 顏色最靚. 道具好像沒有鬍鬚, 有的話效果就會更加似.

換衫期間, 店員很快又會將我棄掉出來的「戲服」重整掛回原位, 非常有效率, 我拿上手叫了一聲:「咦?!濕嘅?」店員即時回應說因為要噴上消毒藥水, 所以比較有少少濕. 嘩!! 潔癖的我也一定要給一個讚!!

(企太前效果並太好, 但偶爾一張也很有感覺)

原來, 一個小時真的很快就過, 最後按動搖控沒有反應, 就代表開心60分鐘已經完結了.

(這是換了衫但時間到了用自已相機拍攝的, 效果與Snap!HK的相差太遠了)

工作人員入內幫忙把相片儲存入自備的USB手指內, 他說:「你哋一共影咗68張相, 其實可以再影快啲嘅, (其他人影好多架?), 一般都200-300張, 最勁有顧客試過1000張, 連我換佈景期間都繼續不停影架…」

真的好玩到不捨得走, 60分鐘絶對不夠喉, 興奮感覺好玩到今晚寫網誌時, 仍然非常雀躍. 不過, 真的要預訂時間, 因為有一對Walk-In小情侶入場, 店員告知已全場爆滿, 唯有失望而回.

看來好快我們再要來挑戰300張的初級入門記錄, 再慢慢向1000張目標邁進. 貼紙相拜拜了, 我應該不會再玩貼紙相, 因為潮流興Selfie, 而且自拍館又有道具又便宜得多喎. 效果更加正好多!! YEAH! 超好玩.

Snap!HK全港最chur自拍體驗館:http://snap.hk

Facebook專頁：https://www.facebook.com/snaphongkong

Facebook : https://www.facebook.com/hayakutang

http://dayanlife.blogspot.hk/2014/07/selfie-snaphkchur.html