上星期玩完Snap自拍館, 今日走到觀塘工廈玩3D 照相館. 支持小店, 支持年青人, 所以我不選擇大集團.

「放鬆一下3D相館」營業至晚上9點半, 所以最後入場時間為晚上7點半, 想不到由AMP步行過來偉業街茂興工業大廈也不近, 足足差不多15分鐘路程.

7點20分趕到, 大廈管理員一看到我們第一句就說:「影相呀 ? 電梯撳11字再行上多一層喎, 嚟!小朋友叔叔送部坦克車仔畀你」哈!真的估不到管理員如此熱情有心, 非常感謝.

經7月尾蘋果介紹完後, 不知這裡生意有沒有大幅增長, 新張期內大人$89, 小朋友$50兩小時, 同場就已經有另外兩組朋友忙著影影影.

3000呎的工廠大廈, 蘋果說兩位年青人向家人借了60萬, 取經自韓國, 室內一共若有24個「3D」情景.

兩小時絕對十分足夠, 不用摩打手, 每幅情景可以慢慢享受, 今次, 大白鯊食我, 下次就我救你出生天.

每幅情景旁邊也有一個示範作, 可以跟足來影3D效果就最出.

掟飛刀如果可以有道具蘋果借用, 應該會更加好玩.

全場我覺得最好玩就是「殺牠死係唔駛用劍架」的忍者武士刀, 因為這是全場唯一要反轉出來看效果的. 幾特別喔.

我叫阿囝走去和「奧巴馬」握手, 他說:「佢係人喎, 點會係馬呢? 唔好握手啦, 我應該送本中文書畀佢啦」, 阿囝多影兩張相就形象指導上身, 指揮我倆.

不知為何, 我總覺得這幅天使畫應該是唐安麒有贊助的喎.

這裡唯一不是3D的情景,老闆嘉琪說:「你哋可以自己按搖控揀不同背景, 這個係好似人哋自拍館咁, 仲有啲小道具你哋可以借嚟用架」

三幅情景, 可能有部份客人不懂轉換, 場館未開夠2個月, 3張海報已經被人弄得破破舊舊了.

現在終於明白為何上星期的Snap自拍館須要找員工幫手換佈景了.

兩位23歲的老闆可能太年青, 如果可以主動與客人多些互動, 齊齊玩, 或者盡量提供多一點協助, 個人覺得這就是妳們小本經營, 可以贏其他大集團賺月薪的員工的最大投入感. 

估計暫時每位客人也是首次來玩「3D館」, 如果兩位老闆可以教客人那個角度出來效果更加好, 相機怎樣配合情景, 效果會更加正, 多點注入「感情」, 起碼不會給人感覺「放鬆一下3D相館」如此冷冰冰.

蘋果說上月相館虧蝕了$5000, 估計今個月大肆宣傳, 應該有不錯盈餘, 如果可以的話, 希望不定期更換「3D」情景, 因為相同的情景客人可能影一, 兩次已經有悶的感覺.

又或者遲些可以設計一些有香港特色的「3D」情景, 例如變形金剛 殲滅香港會展, 鰂魚涌的情況就一定吸引我再來影過喇!!

加油!! 年青人, 最重要加多點熱誠... 埋數, 聽歌...收工後才做吧!!

多些與客人交流一下, 這是妳們的優勢, 起碼不是我們查詢也不知道那支腳架是可以借用, 最初我還以為是另外的一對情侶帶來的呢. 加油！努力!!