28 JULY 2014(MON)

今日我地約左小豬媽去銅鑼灣行街街，我地去皇室堡食午餐時，見到有啲古怪公仔佈置，所以我地又去影一轉啦~

哈哈哈...原來依個醜比頭係好出名，只係我有眼不識泰山，雖然啲公仔唔太可愛，不過勝在醜樣得嚟又幾攪笑啦~

其實小小豬都唔係太鐘意影依個公仔，可能個樣子唔多吸引啦！不過全場佢最鐘意嘅就係依個場景，佢仲係度扮賣菜，話啲豆豆九蚊七粒，真係俾佢笑C呀~

影完相我地就去SOGO行街街，因為小豬爸就嚟生日，我地要為佢準備一套靚衫仔，準備係生日嗰日著靚靚嘛！

好順利地好快就買到小豬爸嘅禮物，不過因為行左一段時間，小豬媽都攰攰地，所以就要搵個地方俾小豬媽休息一陣。

原來打算去搵間舒服餐廳俾小豬媽坐吓食少少嘢休息，不過錫孫嘅小豬媽就話想帶小小豬去食雪糕，所以最後我地就去左食Haagen Dazs啦！

原來依家嘅Haagen Dazs Tea Set好抵，一杯雪糕、一件蛋糕再加一杯飲品都只係六十幾蚊呀~

藍莓雪糕就當然你小小豬嘅，我就食依件朱古力蛋糕啦~

今日依個下午茶係小豬媽請我地食，雪糕同蛋糕佢都唔食得，所以佢都只係望住我地食~

不過小豬媽話望住個為食豬食嘢個開心樣，比佢有得食仲開心呀~

想信今日最開心都一定係小小豬，因為可以食到佢至愛嘅藍莓雪糕嘛！(因為成日想買杯俾小小豬試食，不過都真係好少地方有得買呀)

我都有試食少少，個藍莓雪糕都唔錯，食落有好香嘅藍莓味，唔怪得小小豬話咁快就食晒球雪糕啦！不過我都係比較欣賞件朱古力蛋糕，好香濃嘅朱古力味但食落一啲都唔甜，好味道呀！

下次有機會都可以考慮再嚟食歎個Tea Set呀！ 

MY FACEBOOK~


MY WEIBO~

MY E-MAIL~

 

其他博客區
※※ SINA ※※

※※ MyBB星級Blogger ※※

※※ She.com ※※

※※ WeShare ※※

※※ U-Blog ※※

※※ SeeWide ※※

※※ BlogSpot ※※

※※ BK Milk 親子語 ※※

※※ Cook 1 Cook 星級廚師 ※※