有日放假…米先生收4點…我地就諗有冇d成日好多人排隊既地方..可以一開店就狗衝去食..於是我就諗到長期都有好多人排隊~係尖沙咀既喜來稀肉…上一次同米先生係尖沙咀行既時候~~路過排隊既人數塞滿成條行人路@_@

我地6點左右就去到..當時都已經有坐左10張枱左右喇~~不過佢地方好寬闊~老實講坐得舒服~最低限度隔離枱講野你一定唔會聽到先..~~香港好難得有枱同枱分咁遠既食店~~~~!!!!

點好菜之後店員就會將泡菜~~蒜頭~菜~芽菜~~海帶湯~~雞蛋全部放哂係你面前~~感覺就係你唔洗叫野食都食得飽你XD

點左最有名既護心肉,五花肉,牛肉同豬皮,另外因為我點左1大醬湯..不過個大醬湯真係好鹹~雖然入面好多料有肉有海鮮有瓜..但真係鹹到冇朋友-_____-...下次就咁飲佢個海帶湯已經好好味...

肉類好快上枱~~推介既護心肉真係好好食..唔肥而且有咬口...其他就一般一般~豬皮可以唔洗再叫...-___-..而佢則邊既蛋真係一熟就要開始食架喇~一擺耐就好快老~唔好食!!如果你食完佢會再幫你加~不另收費~~

大致上佢既味道係好食既~坐亦舒服...成個環境都係乾淨企理..唯一就係服務方面較弱~~弱既意思唔係差~唔係唔好態度~只係一個場大概係1位員工可以對2位客人既時間..佢地都對客人愛理不理~~係我去過既韓式燒肉店都較小見到依種服務@_@(特色?!)

埋單大概$6XX左右....食完7點鐘落到去已經勁多人等緊位lol,,,

如果要等位的位唔會再黎~除非好似果日咁6點幾就食飯啦lol,,,,