係葵芳行街行得夜,想搵個地方坐下,但好多地方都閂門了,便去了牧羊餐廳,因為收得夜可去。

9點幾去到,已經冇乜人,坐坐下已冇晒人咁制,上次幫襯時是坐外面,今次是坐裡面,舒服好多呀。

本身想叫小食,但因為已過晚餐時段,只有飲品及甜品提供,就一於甜品啦。

香蕉朱古力鮮打咖啡,$40,少少香蕉味,不太甜,咖啡味正常不算太濃,夏天飲冰凍的咖啡,感覺好爽!& aeris的特飲,但忘了名字....。

鮮草莓佐窩夫,$69,配抹茶雪糕球正呀,窩夫微熱,雖然不是太鬆軟,但味道ok,正常水準。

室內環境幾好,坐下傾下計感覺不俗,室外本身不錯,但因為上次坐室外有不快經歷...食食下落大雨濕晒....對室外環境的感覺麻麻呀,好天坐的話應該ok。

葵芳興寧路12號葵青劇院地下2號舖