|
復活節的祝福 - 望道號 Logos Hope
|
|
捌拾後-DY
2013-04-07
723
0
|
分享
收藏
今個復活節日日落雨，戶外活動完全取消，
本身以為呢個長假就咁係屋企過既時候，天公就開始造美喇，終於可以出去行下，
果然係希望在明天~~
今年年頭，望道號 - 世界最大海上圖書館曾經停泊過係海運大廈，可惜果時抽唔到時間去睇下，
好彩佢地22/3 - 1/4轉泊左係堅尼地城招商局碼頭，既然停左雨，緊係把握機會上船參觀下啦~~
先介紹一下望道號: 望道號主要使名係傳播知識、幫助和盼望！
望道號Logos Hope是OM(福音團體)與好書共享協會(GBA Ships)目前唯一的，也是史上最大的一艘海上圖書展覽船。自2009年開始係世界各地停泊及招待人們上船購書，為要向世人傳播知識。他們的船員來自50多個不同國家的，400多位船員們來到同一艘船上做義工，宣揚愛與知識。去到唔同既國家，特別係比較窮困既國家時，船員會幫手做唔同種類既人道救援工作，例如他們曾在南美搭蓋教會、在加勒比海修建房屋水塔、在非洲重搭學校、捐贈教科文具、開放牙醫義診等等。同時，佢地亦會開放各類講座，幫助當地人增進各種當代知識，例如環境保護、認識HIV病毒等。
望道號上載有7,500多種書籍，包括家庭文學、各地食譜、專業教科書、休閒嗜好同埋聖經。為了更有效的傳播知識，在各大城市裡或許多資源難求的地區(例如南美的蓋亞納、西非的獅子山...)，船上的書均以儘可能的最低的價格供應大眾。望道號也視需要而在當地捐贈書籍給教會、學校或圖書館。
聽見佢地既理想有咁宏大，就已經想上船見識下同為船員打打氣，
坐巴士到達碼頭，滿心歡喜想用部新相機影下相既時候，搵極個袋都唔見部NEX 5R，明明係防潮箱攞左出黎，唔會唔見左咁大鑊掛，
標緊冷汗既同時，即係打返屋企，原來係攞左出黎冇放到入袋，呢D 天才行為大家真係唔好學，心臟病患者需特別小心~~
咁我又用NOTE 2 同大家直擊報導啦~~
望道號 - LOGOS HOPE 正面 入場前要買票- 成人$10一位，小童長者好似免費 買完票就會比張宣傳單張你，簡單介紹望道號同埋船入面既地圖 好似郵輪咁上船，因為負重問題，每次最多只能上7位成人 入到去又真係有D郵輪FEEL 介紹望道號既歷史及成長過程 模擬控制室，又有雷達同電子儀器，D 小朋友衝晒過去，好似有機打咁 書展入面有好多書，引象中好似全部都係英文書藉， 食譜，小說，聖經，童話書都有，種類好多， 入面有好多家長同小朋友一齊尋找既有趣味又可以學習既書藉，STICKER BOOK 就最受歡迎喇 CAFE，除左比大家坐係度休息下之外，亦提供一個舒適既地方比大家同船員交流認識下 大唿，入面有個MESSAGE TO STAFFS，比大家寫D野同船員打打氣，不過入面冇筆 故事廊，以卡通去講述一個迷途知返既故事 經過呢條走廊就去到船入面既大廣場，沿途掛住唔到國家既國旗 大廣場可以話係一個互動區，船員同參觀者打成一片 場入面重會展示船員係唔同國家地區收集到既物品 呢個長笛好難吹，唔係人人都吹得出聲 呢d都係於南美同非洲既飾物同敲擊樂器 荷蘭既木屐 係海上面生活咩都要靠自己，船員都有基本既維修常識，呢度就透過遊戲教小朋友一d簡單物理學 窗外境緻真優美 再見了望道號，辛苦你繼續將福音同知識帶比世界各地既朋友 由於望道號周圍走，所以佢地入面既商品會以UNIT去做單位， 再用unit同當地貨幣作換算，係香港，100UNIT=HKS$20， 入面D 書真係好平，300UNIT - 500UNIT就有一本食譜咁 最後我就買左呢本Wonders of the World - 100 Incredible and Inspiring Places on Earth返屋企， 除左想用行動支持下佢地外， 都想好似船員咁，可以周遊列國，雖然我唔可以學佢地咁行船，但希望有機會跟住呢本書介紹既地點見識一下呢個世界！！ 唔記得係邊聽過: The world is a book, and those who do not travel read only one page.
最後，我終於開左個FACEBOOK PAGE，平時都會睇下我既朋友不妨LIKE 一下，
果邊既更新會快D 同密D KA，多多支持~
感謝 捌拾後-DY 提供以上資料 捌拾後-DY的網誌: http://post80sdy.blogspot.hk/
|
~END~
| 商店 | 望道號 |