|
麥當勞敢死隊 - 黑白漢堡大挑戰
|
|
捌拾後-DY
2013-05-20
850
0
|
分享
收藏
| 麥當勞近期D MARKETING 推得好密， 續上次玩完唔到既辣味(咖喱，韓式辛辣同埋日式芥辣)之後，早幾日又有新野推出喇，就係『黑白系列』， 系列成員包括黑漢堡，白漢堡，黑白珍珠奶茶及黑白珍珠焦糖新地， 今次我又深入虎穴，為大家卒先試食 (轉自官網) 黑漢堡
香口的白芝麻點綴於神秘誘惑的墨汁麵包上，強烈的色彩對比碰撞出無可比擬的型格感，搭配首次加入的香軟薯蓉，再加上兩塊肉汁欲滴的100%純牛肉、煙韌的香煎煙肉以及惹味十足的秘製松露蘑菇風味醬，配合鮮嫩生菜的爽脆口感。
白漢堡
由香軟綿甜、秘製滿佈黑芝麻的搶眼酷白麵包，包裹住鮮嫩多汁的脆香雞肉以及煙韌的香煎煙肉，配以黑椒磨菇風味醬，將惹味程度大大提升，再加上新登場的香軟薯蓉與爽脆生菜帶來的多層次口感。
黑白甜品系列有香滑的鮮奶與甘醇的錫蘭紅茶調配而成的「黑白珍珠奶茶」，仲有新地迷必試「黑白珍珠焦糖新地」。
睇完佢個新聞稿，係咪好似好吸引呢，但現實係點?!去相~~ 黑白漢堡個包裝盒老實講幾型，黑白白黑互相輝影，始終，包裝先係麥當勞既強項 打開黑箱同白盒，白漢堡外貌雖然同廣告照有所出入，但相差不遠， 但黑漢堡就唔完全知咩事，除左黑色包皮外，你唔講我真係唔知呢個係黑漢堡LOR 首先試食白漢堡，白色麵包略略有點甜味，黑椒磨菇風味醬香口而帶點微辣，還可以， 但那個薯蓉配搭真的十分奇妙，好似加入左一PAT 不知名糊狀物體， 連埋包一齊食的話，口感就好似食緊浸左水既發左水麵包， 味道奇特，可以一試既新產品 跟住試埋黑漢堡，黑色包其實冇咩味，感覺同普通包無異， 大家可見，呢2塊肉跟本就係普通漢堡包既漢堡，乾過我荷包十萬倍， 如果同廣告中『兩塊肉汁欲滴的100%純牛肉』相比，呢個可以稱得上係騙案， 加上麥當奴員工既吝嗇，醬汗又唔多滴，一咬落去既感覺就係， 貼錢買難受，乾涸既漢堡加上發左水麵包似的薯蓉，OMG....... 為左唔想浪費食品，唯有一口包加一水汽水相送，即係現實版既一啖沙糖一啖屎， 真係好心麥記做下TASTE TEST 先推新產品啦 食完2個食包都係覺得，薯條先係最好的， 如果大家準備去試黑白系列的話， 我建議大家唔好浪費金錢試食黑漢堡，白漢堡的話就不妨一試， 麥記你有幾多新產品我都會繼續挑戰，放馬過黎啦， 不過記住做左TASTE TEST先唔該 途經灣仔藍屋，順手一影
感謝 捌拾後-DY 提供以上資料 捌拾後-DY的網誌: http://post80sdy.blogspot.hk/
|
~END~
| 商店 | 麥當勞 (馬鞍山新港城店) |