|
NAIL ME美甲班+全數送出甲班小禮物
|
|
sandra
2011-10-14
1358
0
|
分享
收藏
寫BLOG寫到要開一個分類係講美甲既,就知我幾咁鐘意為指甲扮靚,不過因為本身先天條件不俗(我講指甲咋....:P),所以一直以黎都未幫襯過去整GEL甲之類既東東,反而DIY指甲產品就買上一大堆,而且樂於參加同美甲有關既活動,所以見到NAIL ME搞O左個甲班,就貪得意去報名,估唔到又抽中喎!!!!KEKE...
NAIL ME位於尖沙咀鬧市,本應好易搵到,不過佢個招牌實在太不起眼啦,加上大廈門口又細,所以我都要徘徊一陣先搵到,如果要去就認住"老X家"隔離就係... 上到去,職員同我地講今次會整1隻手指MINX,其餘只係油甲油,其實我有丁點兒失望,因為上次唔係有關指甲既活動,至少都同我整2隻手指呀,估唔到今次得1隻... 不過算啦,一場黎到,就試下佢地勁推連孕婦都用得既PRITI甲油,仲有都揀O左款MINX.. 正式開始前每人都分發一袋小禮物,入面有1SET3件修甲工具,由美甲師教我地修甲,佢會幫我地修一隻手,之後自己試下修另一隻手啦.. 油甲都係,美甲師幫我地搽一隻手,另一隻就由自己搽. PRITI甲油都幾易搽,而且出黎既色好飽和,化學味道好似比較少,唔怪得孕婦都用得,不過顏色方面選擇不多... 最後就到貼MINX(美甲師隻KURUMI極搶鏡.....>_<) 雖然佢只係貼1隻,但手法、技巧同持久度都比之前同我貼2隻O個間好,佢仲要冇落TOP COAT,估唔到KEEP得仲耐,如果唔係D甲油甩色我一次過抹晒,佢可以完整地貼O係我D甲上2-3星期都OK... 完成後就係咁啦.... 如果可以整晒MINX就好啦,D圖案真係好正,係畫都畫唔出,印都印唔到,鐘意金屬色真係可以試下整MINX,而且係貼上去,無咁傷指甲... 之前提過NAIL ME送出每人都有既一份小禮物,因為我家中已經有唔少存貨,所以我決出送出黎俾有興趣既朋友(其中有敗金早幾日勁讚既LOLLIA HAND CREAM O架!!!),參加方法好簡單,想要就O係YAHOO BLOG (按此)以PM形式答O岩問題,再留EMAIL,我會抽出一位以平郵方式寄出^^ 問題: 請問貼甲係咩牌子呢??(提示: M字頭,文章有) 截止日期: 10月24日晚上12時正. |
~END~
| 商店 | Nail Me professional Nail Service (尖沙咀店) |