|
好友歡聚@鄧麗君甜蜜蜜新生咖啡店
|
|
小肥豬
2013-09-07
850
0
|
分享
收藏
| 31 AUGUST 2013(SAT) 今日有一個特別節目，就係同小豬媽一齊約左BENBEN豬出嚟，一齊食午餐同歡聚一吓！(哈哈....因為小豬媽同BENBEN豬係FACEBOOK相識左，有時佢地傾計仲比我多，所以其實今日都係跟小豬媽出嚟呀！) 同BENBEN豬都係網上認識，計計下都應該有五年多啲啲，我地係小小豬出世之後嚟探過我地食過一次午餐，之後有啲嘢俾我又見過一次。雖然見面次數唔算太多，不過因為FACEBOOK關係，基本上可以話係日日見到，所以大家都會知道大家嘅嘅近好，所以對BENBEN豬嘅感覺就好似一位老朋友咁，所以我都好珍惜大家嘅緣份呀！ 哈哈...老士嘢就講完，講返正題先，由於我地同BENBEN豬大家住嘅地點都相差幾遠，為左方便大家，就約係尖沙咀食午餐。其實尖沙咀我都比較少去，所以都真係唔知有乜好推介。就係我諗緊食乜時，醒起之後有位網友介紹左鄧麗君主題餐廳 - 甜蜜蜜新生咖啡店，見幾特別，係社企形式營運的，覺得都幾有意思，加上小豬媽又幾鐘意鄧麗君，所以就到這餐廳來試試啦！ 一入門口就見到大大幅鄧麗君的相片~ 周圍都佈置好多鄧麗君擺設呀~ 一個位置擺放CD供客人試聽歌呀~ 依度算係半自助形式，我地先去櫃台購票點菜，然後侍應就會把食物送給我地呀~ 先嚟一個迷你沙津~ 一杯玫瑰花茶~ 我同BENBEN豬就食依款有機亞麻籽椰菜花忌廉蝦仁有機意粉，我覺得都幾好食，啲意粉好彈牙呀~ 小豬媽就食依個日式鰻魚糖心蛋炒烏冬，小豬媽都話味道唔錯呀~ 雖然今日係星期六，不過餐廳內嘅客人唔算多，加上環境又比較寧靜，所以就係依個咁舒服環境下，大家都傾得好暢快，真係可以話乜都講得一餐，唔覺唔覺原來我地都係入面逗留左差唔多三個鐘，真係三個女人一個墟，傾計傾都唔知時候呀~ BENBEN豬真係好有我地心，因為佢準備左好多禮物俾我地，真係唔好意思添！ 首先就係送俾我同小小豬嘅生日禮物~ 哈哈哈...依個BB大眼負任重大呀，因為會扣落小小豬個書包度，等依個好朋友陪佢返學，相信會特別安心呀~ 最特別係BENBEN豬親手做左啲豬豬朱古力蛋糕俾我地呀~ 影得唔係好清楚，不過實物睇真係好可愛，好豬頭呀....哈哈哈~ 其實仲有一盒果仁係俾小豬媽，不過俾小豬媽拎左返屋企，所以冇影相！ 今日開開心心傾左一個下午，好滿足呀！期待好快再可以約出嚟食飯，到時又繼續傾過，繼續開心呀！ 你今日LIKE左未呀~
感謝 小肥豬 提供以上資料 小肥豬的網誌: http://kinseymama.mysinablog.com/
|
~END~
| 商店 | 甜蜜蜜新生咖啡店 |