25 APRIL 2010 (SUN)

今日難得好天氣，所以又俾大肥豬捉左出街，要我行吓晒太陽。

大肥豬話見我上次係長洲沙灘玩得好開心，所以就帶我去沙灘行。見屋企附近有小巴可以直接去到清水灣海灘，所以我地就向目的地出發啦！

出門口嘅時候陽光都幾好，但一入到清水灣海灘，太陽伯伯就收埋左，啲風又大左好多，不過都冇影響我地個心情，先係沙灘行個圈(扮晒浪漫)，之後就周圍影..影....影。

先嚟影吓石景(大家放心，我企嘅地方全部地都係平地，所以冇危險呀)~

之後又影吓海景~

最後當然唔少得SET腳書架影吓合照，影吓啲大肚FEEL相啦~

由於啲風越來越大，大肥豬怕我吹到，所以影完啲合照就走，冇機會落沙灘玩沙添。

不過去依度嘅交通對我地嚟講都算方便，所以大肥豬話等天氣好就再嚟過。

============================================

感謝 小肥豬 提供以上資料

小肥豬的網誌: http://kinseymama.mysinablog.com/

============================================