15 NOVEMBER 2013(FRI)

聖誕禮物，多謝玩具反斗城送俾小小豬嘅聖誕禮物呀~

嘩...依四份禮物仲係今年玩具反斗城精心挑選嘅聖誕15大熱門玩具嚟，俾小小豬率先試玩呀！睇吓隻豬仔見到有咁多新玩具，笑得幾奸...哈哈哈~

好啦...百厭嘅試玩專員開始試玩啦！

首先玩嘅就係壞蛋獎門人2互動發聲系列，依個玩具都好得意，按佢肚臍個制就會講說話，扭動個身體就可以唱歌，好攪笑呀~

哈哈哈...依個小小豬一嚟就按住獎門人個肚臍唔放，要獎門人不停講嘢，一聽到獎門人講英文，個傻豬仔又會大笑上嚟呀~

想聽歌但小小豬又唔夠力扭獎門人個身體，所以又要大肥豬幫手。旁邊睇佢地兩父子不停係度邊扭獎門人邊大笑，真係好溫馨，簡直令我有少少妒意添...哈哈哈~

小小豬仲不知幾鐘意獎門人，依排食飯都要獎門人陪佢一齊食添。

第二樣試玩玩具就係31吋白兵，好有型呀~

可能同小小豬差唔多高，所以小小豬直頭當左白兵係佢好朋友，攬到實一實~

仲講故事俾白兵聽添~

小小豬話白兵好乖有安靜聽故事，仲送張小貼紙俾佢添~

雖然小小豬有時又真係幾百厭，但一見到佢依啲少少攪笑事，有時又真係覺得幾窩心呀！

第三份嘅就係一個好得意嘅電子寵物Furby Boom，其實即係同之前嘅"他媽哥池"差唔多，不過而家先進少少，結合左手機程式可以隨著同我地嘅互動，可以配合APP同Furby Boom玩唔同種類遊戲。另外當同Furby Boom見觸摸、說話、聽音樂等，Furby Boom亦都建立屬於它自己的獨特個性，我覺得依個小寵物都可以好好訓練小小豬嘅責任感呀~

配合APP都有好多嘢玩呀~

小小豬都不知幾鐘意Furby Boom，仲幫佢改左個名叫"毛毛"，成日都同"毛毛"傾計，一聽到"毛毛"講啲唱歌時，佢都不知幾開心呀~

最後一樣就係《大富翁「企業王國」》，新版本真係好靚~

不過，我覺我其實依一份禮物主要都唔係送俾小小豬，其實係送俾我，因為我都好鐘意玩大富翁。仲記得細細個時都成日同埋細路表妹一齊玩，都好開心呀！

雖然依家小小豬都仲未識得正確嘅玩法，不過我地都有俾佢參與其中，可以教吓佢擲骰仔同埋依住個棋子嚟行咁，都可以訓練一吓佢手仔，又係一個好好嘅親子活動~

「精彩滿Fun迎聖誕」除左有聖誕15大熱門玩具之外，仲可以同好多唔同嘅朋友影靚相，有得影靚相又點可以錯過呢？

趣緻可愛的長頸鹿傑菲與聖誕老人將親臨玩具反斗城，與大小朋友作近距離接觸。 長頸鹿傑菲將於11月16至12月8日，逢周六、日下午於玩具反斗城與大小朋友見面；深受大眾歡迎的聖誕老人亦會於12月1 日至29日期間的周六、日及公眾假期的下午親臨玩反斗城與小朋友見面。此外，Bruin小熊寶雲、Crayola Mr. Tip、Jelly Belly、Ben 10及森林家族成員將不定時現身店內，與小朋友見面，詳情請參閱玩具反斗城網站。

「精彩滿Fun迎聖誕」嘅產品又點止依幾樣咁少呢？為方便大家享受聖誕購物的樂趣，玩具反斗城及寶寶反斗城專門店於12月1日至26日期間，營業時間將會延長至上午十時至晚上十一時，大家可以有更多時間去SHOPPING啦！

其他詳情可以瀏覽 www.toysrus.com.hk 或者去Facebook 專頁 http://www.facebook.com/toysrushongkong！

============================================

感謝 小肥豬 提供以上資料

小肥豬的網誌: http://kinseymama.mysinablog.com/

============================================