|
漫遊西貢海岸(3): 橋咀洲、火山探知館、滿記甜品~
|
|
helenhlblog
2014-08-15
1840
1
|
分享
收藏
原本甕缸群島景區很值得參觀, 可惜自己暈船浪, 搞到睇唔到漂亮的岩石......不過終於有機會落船, 在橋咀洲逛逛, 應該可以舒緩一下暈浪的症狀......而且總算看到了橋咀洲的名物: 菠蘿包石~~
還有第一次行連島沙洲~~ 
今次第一次來橋咀洲, 其實它距離西貢市中心不遠, 可以自己坐船來回, 15-20分鐘就到, 船費都不太貴~~ 
既然容易到, 所以周圍都係遊客~~ 見到遠處的連島沙洲~~ 夏天時份, 下午就會退潮, 大家就可以行過去連島沙洲的另一端: 橋頭~~ 
不過未行之前, 導遊就介紹了這裡的地質, 還有讓大家看看這裡的"菠蘿包石"~~ 其實數量不多, 不過看起來真有點似菠蘿包, 即刻有D肚餓添~~ 
之後就係自由活動時間, 當然趕快行過連島的小石路, 去到橋頭~~ 這裡已經成了橋咀洲地質步道~~ 
穿過牌坊, 行了一段山路~~ 這條步道都係較適合可以自行步行的人士~~ 
中途有個小小的瞭望台, 不過連涼亭、椅子都冇...... 
但可以看到海景, 都不錯嘅~~ 
再行多一段山路, 步道的盡頭是一個石灘~~ 
好多石頭呀~~ 都有一班人喺度釣魚同嬉水~~ 
遠處有個燈塔~~ 不過要行過哂啲石先去到, 有D危險, 都係遠遠影吓就算了~~ 
行哂成條步道就可以看到這裡的景色~~ 
離開橋頭之後, 老公又行了去橋咀洲的另一面, 即係沙灘的位置~~ 不過泳客不多~~ 歡樂的時光又過去了, 大家上船之後, 15分鐘就返到西貢市中心解散~~ 完成了今次的團購之旅~~ 其實都滿意整體行程, 希望下次有機會再去看外島的風光啦~~ 
突然醒起剛開幕的火山探知館, 就在碼頭、巴士總站的附近, 即刻行去參觀~~ 這個館原來每日開到下午4:30, 幸好我們去到時仍然有開放, 可以入去~~ 
入口處可以取地質公園的單張, 亦有生態旅行團的介紹~~ 
入去的時候, 剛好遇上探知館的導賞團在介紹, 被人欄住唔入得去住, 要等導賞完成才可以行入去, 唯有影吓入面~~ 其實面積不大, 如果心急的話, 10分鐘已經行哂...... 
如果大家有興趣報名參加探知館入面的導賞團, 係要即場報名, 平日 (二、四)一團, 周末及公眾假期有2團, 詳情可看: http://www.volcanodiscoverycentre.hk/index.php/zh/guided-tour 入面很仔細介紹了火山的形成, 還有香港的火山岩及岩石景觀~~ 內容OK, 不過如果館內面積更大、更多展品就好了~~ 
參觀完探知館之後, lur了老公去食甜品, 第一天氣好熱, 第二就係因為我未食過滿記, 今次真係第一次, 仲可以幫襯總店~~ 老公話佢食過, 總店應該係出品最好的~ 
老公叫了一個雪山榴槤配綠茶雪糕~~ 自己也吃了一點~~ 那舊榴槤幾好食, 唔錯~~ 綠茶雪糕的味道都ok, 這份甜品不錯呀~~ 
自己就叫了一個榴槤gelato, 這個月有推廣, 叫了一個榴槤甜品, 就可以半價要一杯gelato~~ 
望落白雪雪, 廣告入面的相片似乎黃d~~ 有榴槤香味, 味道都ok, 有少少果肉~~ 個人覺得如果多些榴槤肉會更好味~~ 原價要38元一杯, 可能平d先會考慮再食啦~~ 食埋甜品, 這次西貢之旅又落幕啦~~ 希望好快又有機會再嚟西貢玩啦~~~ 橋咀洲 http://www.geopark.gov.hk/b5_s4f11.htm http://www.geopark.gov.hk/b5_s3j.htm http://www.geopark.gov.hk/b5_s2b2g.htm https://www.afcd.gov.hk/tc_chi/country/cou_vis/cou_vis_cou/cou_vis_cou_kt/cou_vis_cou_kt.html http://www.daileghk.com/2013/06/blog-post_7030.html http://blog.ulifestyle.com.hk/blogger/ck1001/2013/10/%E8%A5%BF%E8%B2%A2%E3%80%82%E6%A9%8B%E5%92%80%E5%B3%B6%E3%80%82%E4%B8%80%E4%BA%BA%E9%81%8A/ http://ricmaglau.mysinablog.com/index.php?op=ViewArticle&articleId=3242857 http://www.chancedia.com/?p=47792 http://edwinor.blogspot.hk/2010/10/blog-post_27.html 火山探知館: http://www.volcanodiscoverycentre.hk/index.php/zh/ 滿記甜品 http://www.honeymoon-dessert.com/tc/ http://www.openrice.com/restaurant/sr2.htm?shopid=2366&tc=sr1
感謝 helenhlblog 提供以上資料 helenhlblog的網誌: http://helenhlblog.blogspot.hk/
|
~END~
| 商店 | 滿記甜品 (西貢總店) |