濕地學堂 (鳥類篇) 入門班~ SeeWide

上年11月見到濕地公園的宣傳, 知道有"觀鳥節", 其中一個活動就是教授觀鳥技巧的濕地學堂: 鳥類篇~ 當時好想報名參加, 不過一早滿額~~ 等到今年1月初, 又有得報名, 可能因為個個怕天氣冷, 所以聽講2班都唔滿...由於只可以報入門班或進階班其中一班, 於是就選了入門班~~

有一張鳥類品種介紹單張~~~ 原來濕地公園可以見到好多種雀仔哩~~~

上午部份是講座, 要乖乖坐好聽有關觀鳥的知識, 例如觀鳥的方法、工具、可以看到的雀鳥、如何分辨不同種類的雀鳥等等~~ 聽哂就已經過了一個上午~~

下午就會有實習時段, 可以看雀仔, 不過在此之前就是午餐時間, 有1.5小時, 趁住餐廳冇咩人, 即刻去醫肚~~~ 叫了焗豬扒飯, 仍然是好好味, 對住玻璃窗出面的雀仔食飯, 感覺悠閒~~

食完飯, 仲有大約45分鐘才到集合時間, 於是出去公園周圍行吓先~~

先去了看鱷魚貝貝~~ 冬天時候佢應該在冬眠, 所以躲在池底, 好難先睇到~~

冬天來濕地公園的人不多, 可能因為這天比較冷, 天色也不太好~~ 自己以前都來過幾次, 這天係最少人的一次~

去了近住濕地公園主樓的觀鳥亭~~ 又係冇人~~

望望濕地公園主樓~~

又望望小小島上的雀仔~~ 相機的焦距不夠, 影到外形已經係極限~~ 用望遠鏡看就會清楚D~~

行去浮橋的中途, 有隻雀仔好想上鏡呢~~~ 好有pose~~

行行浮橋先~~ 好耐冇玩, 不過很懷念米埔那次行浮橋, 那條橋驚險好多~~

這條就勝在安全, 風景都不錯~~

又去了河塘觀鳥屋~~ 因為下午的實習時間是不會來這裡~

不過裡面咩人都冇, 即係...

果然, 咩雀仔都睇唔到......不過係集合時間, 都係返去主樓先~~

集合之後, 大家輪流拿望遠鏡及收音系統, 收音系統係讓導賞員可以直接讓大家聽到他的說話而不用大聲叫, 嚇走啲雀仔~ 整裝完成, 大家就浩浩蕩蕩出發~~ 導賞員一話有雀仔睇, 大家都聚精會神找尋~~

例如見到2隻紅耳鵯~~ 不過又係相機不夠焦距, 都係影到細細隻~~

大隊繼續行~~ 到了下午遊人仍不多, 反而對於觀鳥可能係好事, 因為雀仔唔會被嚇走~~

又見到佢~~ 可能佢真係好鍾意上鏡, 很少有呀~~

我們去了魚塘觀鳥屋和泥灘觀鳥屋~~ 魚塘那邊都有不少雀鳥, 不過距離較遠~~ 之後我們就轉去泥灘那邊~~

泥灘那邊較多大型的雀鳥~~ 除了我們一班團友, 同時還有一班專影雀仔的"龍友", 個個的攝影器材都好厲害~~

勉強放大了其中一張相, 如果大家細心留意, 白色那些就是黑臉琵鷺~~ 起碼有6、7隻, 見到一群都幾難得~~ 當然其他雀仔都好好看~~

快樂的時光過得很快, 活動完成了~~ 由於我們是買票入場, 所以可以繼續留低自由參觀~~

不過趕住出市區食飯, 於是都係走馬看花~~ 原本今日咩人都冇, 參觀感覺好好多, 不過時間所限, 只有匆匆行過~~

朝早來到時都冇影到正門添~~

正門的通道種了不少花卉, 好靚~~

漂亮的波斯菊, 謀殺了不少菲林~~

又去了主樓屋頂上的草地行一陣, 不過時間已到, 終於都要走啦~~~

除咗影了不少相, 還有2樣"手信", 貝貝的小紙磚是上載雀鳥相片的紀念品, 是觀鳥節其中一個活動~ 而翠鳥吊飾就是聽講座時答問題的小禮物~~~

個人覺得這個活動很值得參加, 亦應該在可行的情況下多點舉辦, 讓更多人認識雀鳥、觀鳥和大自然的重要~~ 如果大家有興趣, 第時要繼續留意濕地公園的消息~~~

http://www.wetlandpark.gov.hk/tc/index.asp

http://www.wetlandpark.gov.hk/tc/education/Bird_Watching_festival_2013.asp

http://www.wetlandpark.gov.hk/tc/education/wetland_classroom_birds_2013.asp

============================================

感謝 helenhlblog 提供以上資料

============================================

~END~

商店

香港濕地公園


(0)	(0)	(0)