快快趣寫埋佢~影衰香港人~瘀爆幾米公園~食在羅東夜市 SeeWide

對唔住香港同胞, 呢篇做o左d衰o野影衰你地tim.............

官夫人8樓的風景好開陽~ 但係7點幾就聽到燒爆竹聲~

唔知係咪對面間協天廟~

話o左Harue 係一個悠悠閒o既人, 所以我都唔叫醒佢啦,
一條冷去攞麥當當返酒店一齊食~

雖然遠.............不過都係10分鐘之內路程, 以為呢間酒店怪雞派麥當當早餐,
原來其他旅館都有派, 攪到麥當當超多人, 做o野又慢, 等o左好鬼耐~

睇時間, 我起碼排o左20分鐘.

回程時比我見到條人龍, 晨咁早有人龍必定好o野, 唔理好唔好食, 排o左先~

見到d台灣人, 10份, 廿份咁買.............我都係買兩份夠啦,

上網搵料, 原來柯氏係宜蘭礁溪好出名~

計正好似係炸蔥油餅至o岩~

自己搽醬汁

排o左10幾分鐘.............當然要邊行邊食~試下佢值唔值排隊買

賣相冇乜特別, 期待佢新鮮熱辣會好好味~

唔知係咪我唔識搽醬, 我覺得唔值排隊, 雖然唔貴, 加蛋至賣台幣25 (HK$6.8) ,
但味道好一搬囉, 味道單簿, 還是澎湖郵局門口個檔最好味~ (我上網睇到有人都係讚澎湖好食d ^^)

Harue, 食早餐啦~

mimo成粒鐘至出門口

行去對面的協天廟睇睇.

差d唔記得食呢間..............係協天廟旁邊歷史悠久的小店~

黃金蛋 & 魚羹

味道帶甜, 唔係食飽早餐, 呢碗o野都ok o既~

黃金蛋好味, 不過係凍o既

認住佢係~ 魚羹之家~

趕住坐火車去宜蘭站~

途中又見到呢條人龍, 比我之前仲長~~~~~~~~排咁耐,,,值咩??

順便睇下一礁溪d樓~~~7坪幾, 88萬台幣咋~ (約24萬港紙)

我地要去宜蘭站~ 因為想去幾米廣場~ ^^

好快就見到幾米廣場~

今日係星期日, 都好多人啊~

咦~!!!!! 點解冇人同呢個公仔影o既~??? 一個箭步坐上去叫harue幫我影,

影完一張又一張~~~~~~~~~

至發覺眼前稍遠少少有條人龍,,,,,,,,,,OH~~原來我打o左人尖~但係人家一粒聲都冇出...............爆瘀啦~ say o左sorry, 走都走唔切, 真係有冇攪錯呀自已 >_< (下圖就係條人龍)

瘀完繼續搵景影, 睇清睇楚至行埋去, 唔想再衰多次~

今次真係冇人,,,,,返去再影多張相~ ^^

12月去時都唔係好多公仔, 聽講依家再多d

其實仲有隻兔仔未影, 不過係對面馬路, 無謂過去影啦, 去行下街先, 因為一陣夜d去羅東夜市

影張相當入o左去行~ ^^

肚仔餓去夜市~

今次好笨, 我居然睇少呢個夜市, 我放o左個背包係車站locker, 21:30之前一定要去攞番

因為之前有香港朋友同我講過, 對羅東夜市唔好咁大期望, 所以我諗住行兩行, 食兩食就走得.

點知羅東夜市好熱鬧, 仲有好多o野睇, 好多o野食~ 一去到已經想返車站攞番個背包, 因為我知21:30前我應該未行晒個夜市囉, 雖然依家只係5點幾...........巧後悔啊~ >_< 可惜車站其實距離夜市有一段路程.

宜蘭三星蔥好出名, 當然先要吃蔥仔餅先~ ~~ 今次宜蘭之旅我負責住宿, harue 負責車費&食o野費

好多o野睇啊~~~~師奶心態~

又有得食, 未去台灣前已經上網睇到龍鳳腿必食

條人龍都唔短~

唔知點解個老細好hea ,,,,冇里心機咁~

其實龍鳳腿係乜冬冬呢~??

網上資料

阿公仔龍鳳腿、春捲的由來

　　　　
　　　　龍鳳腿是老闆的阿公愛孫心切所產生的美食，在古早沒有豐裕生活、美味的食物，更別說吃雞腿了，因為家中只有在田中工作的長輩可以吃，在拜拜春節時小朋友才可以吃到美味的雞腿，長輩們為了圓家中小孩的夢想，所以就產生龍鳳腿。能用一些特殊食材做成像雞腿的食物來哄哄小孩，想不到做出來的成品竟比雞腿還好吃

外皮用"豬網油" <------我都係第一次見

(網上圖片) 豬網油包住D高麗菜, 另外個D好似係魚漿

唔知係咪唔夠醬汁，　好似好淡口～不過新鮮熱辣唔會唔好味o既~

仲有呢隻三星蔥多餅, 都幾長人龍,

圓固碌～　　ＮＴ３５一粒（HK$9.5），　ＮＴ１００／３粒　（HK$27)

未食之前唔知咁好味, 同HARUE決定唔好因為平個NT5 就夾硬買多個, 所以花了NT70/2個,
咬第一口已經勁後悔,,,,,,,,,,,冇買多幾個............嗚嗚嗚 >_<

部相機short short地, 經常影唔到微距, 所以影唔清楚比你地睇~

急不及待, 食都食唔切

超長人龍, 冇理由再排隊買o者,,,,放棄啦

夜市除o左食, 仲有得睇o野~ 時間真係非常唔夠用 (之唔係因為9點半前要返車站攞背包囉)

到到都係人, 好彩羅東夜市都唔細~

冇幾耐見到一條超長人龍...................

目標舖號: 1094~

呢間: 阿灶伯係羅東夜市勁出名, 實在太多人了, 冇可能排隊食....唯有放棄

下次, 宜蘭我會再訪~ 一定再去羅東, 仲有蘇澳都未去

攪笑地跟住台灣朋友都可以坐錯車~~~~一聽到有火車埋站就上...........坐錯方向
卒之~成個車站得我地兩個呆等20幾分鐘

如果得我一個人一定好驚~ 開始發覺唔好再單單丁去旅行, 想搵個人陪我去旅行~ ^^

台灣實在對單車客好貼心

方便單車行~

回飯店見到有番鬼荔枝賣,,,,,,,,勁想買~ 睇下~! nt150 (hk$40) 有一大籃, 不過最後都冇買

係礁溪成日見到"宜蘭糕渣" 唔知係乜冬冬, 原來好似得宜蘭有咋...下次可以一試~

食譜

雞肉、豬里肌肉、蝦仁剁碎，同魚漿加水熬煮成濃湯，冰凍冷卻成肉凍。
再裹玉米粉、太白粉油炸，成金黃亮色，即可。^[

宜蘭糕渣做法<--請按我~

最後我地只係買o左生魚片& 黑輪返酒店宵夜~ 聽日要返台北了~

============================================

感謝 cowcow 提供以上資料

cowcow的網誌: http://cowcow0108.blogspot.hk/

============================================

~END~

商店

羅東夜市 (台灣)


抱歉，發生點錯誤。重新載入


(0)	(0)	(0)