老媽仲忙過我, 得閒就去o左坪洲幫手

今晚一條冷諗住去食開o既車仔麵醫肚, 行經上海街見到有間拉麵店,

醬家~


唔係門外有個餐牌, 我恐怕睇漏眼

因為門口的餐牌, 上面一睇就知係日本人寫o既menu,

又聽到日本侍應招呼客人, 雖然見到6款麵都係80蚊~85蚊唔平,

考慮一下, 可能大廚係日本人, 即管試一試, 事關我都like 蕃茄湯底, 覺得健康d~ ^^

可能蕃茄湯底o既關係, 再加上呢排老花眼, 哈哈哈, 我居然以為6款麵都係辣,

我揀o左大蝦, 原來6款麵只有呢款係辣底.85蚊碗. 

唔洗好耐, 大大隻碗的拉麵放到面前, 

碗好大, 麵不多, 不過唔緊要, 我最怕湯少麵多, 攪到d麵一pat o野咁唔好食,

今晚天寒地凍, 先喝一口湯~ 嘩~!~~~~ 熱辣辣~正~!! 湯夠熱又夠辣, 我最鍾意湯熱~

唔熱唔好食, 再加上辣得過癮的辣, 呢$85係值o既~

麵係幼麵, 最初我以為係雲吞麵o既麵~ (哈哈哈, 我見識少, 食得少日本幼拉麵)

兩隻蝦唔係求其白烚, 一定有細工煮過, 我唔識形容, 除o左蝦頭好似黑o左d之外,

蝦身真係好好食, 好好食~ 唔洗好耐, 連湯一滴不漏食晒~~~~~~

其實真係唔夠喉, 可惜我係屋企出門只係帶o左100蚊~ 如果唔係, 真係可能會叫多碗,

問過師傅, 將來會唔會有其他小菜? 佢答我因為醬家唔係居酒屋, 所以小菜將來都可能唔會有,

但麵款會隔一排轉款式.

定價80~85蚊坐落係上海街, 身為街坊o既我覺得可能會貴o左少少,

如果街坊身份以外, 一碗用心煮比你食o既麵, 又點止值85蚊呢~~

(食完粒幾鐘都唔覺口渴啊)

希望醬家可以站穩住腳啦~ ^^