|
自創拉麵@一風堂
|
|
summerpig
2013-02-03
806
0
|
分享
收藏
| 香港人一講到日本,除左潮物/衣服/化妝/護膚/美景外, 唔少得嘅當然仲有美食啦, 日本食品可以話集精緻同美味於一身, 好多人都對日本美食情有獨鍾.日本美食種類都唔少, 當中有代表性嘅, 拉麵絕對係期中之一, 好多人都鍾意, 仲要食到"雪雪"聲先代表好味. 日本有「三大拉麵」特別出名, 包括：北海道札幌拉麵、福岡博多拉麵、和福島喜多方拉麵。源自日本九州福岡拉麵之都博多嘅一風堂，由享譽國際嘅神級拉麵大王河原成美 (Shigemi Kawahara) 創辦，於日本全國分店超過60間並擴展至國際大都會包括紐約、新加坡和南韓, 當然唔少得香港啦. 登錄香港嘅一風堂,經常都大排長龍.是日就有幸嚟到金鐘店, 出席[我的拉麵]創作試食派對~ 店內好有日本味道嘅格調 枱上放有配菜同餐牌, 侍應好快就送上飲品 派對開始, 先有嚟自日本嘅大廚介紹一風堂嘅歷史同背景 創辦人河原成美多年來雄據人氣拉麵店榜首，在1995至1998年間，TV Tokyo製作「TV Champion – 拉麵職業選手錦標賽」中連續贏得三屆冠軍 今次我地有機會自行配搭獨一無二嘅[我的拉麵], 餐牌上有哂步驟指示點樣整 大廚亦一一介紹, 九州福岡拉麵嘅特點係幼面, 博多拉麵會係硬身嘅多. 油就係帶出湯面嘅濃味同香味, 唔同嘅調味料同豬骨湯一樣咁夾 配料方面有好多選擇 我揀左普通嘅細面+少油+魚粉+特盛配料 朋友就揀左硬身細面+普通油+辣味噌+特盛配料 仲可以利用枱上嘅材料 加入蒜頭 或者芝麻, 增加味道同香氣 面身真係幾幼, 雖然揀左普通, 但入口唔會太"棯", 仲有DD爽口 加入魚粉嘅湯底味道濃郁 日式豬柳好鬆軟, 叉燒入口即溶, 配上清新嘅夥菜, 美味~ 最後仲有焦糖南瓜布甸, 為PART添上意外驚喜 一風堂依家係香港有4間分店,希望佢會越開越多, 咁就隨時隨地都食到咁好味嘅拉麵嘞~ |
~END~
| 商店 | 一風堂 (金鐘店) |