30/08  呢個星期六繼續陪朋友去試點心 ,

其實一早我已經心儀呢間魚翅酒家 ,

今次終於可以同朋友去試點心緊係開心啦 !

環境都唔錯三個人飲茶竟然坐了一張好大的枱好舒服呀 !

" 鮮鮑魚黃金煎糯米雞 "

這個是朋友點的我都是第一次食 , 但真係好好食外層煎得金黃香脆 ,

而內裡就好軟孰好多餡料 yumyum !

" 水晶鮮蝦餃 "

這裡的蝦餃是計 " 明閣 " 之後我的心水之選 ,

之前如果有朋友問我邊度既蝦餃好食我必定首推 " 明閣 " ,

但現在就會多了一個地方可以推介 ,

蝦餃皮夠薄又好煙韌內裡還有湯汁真係好 " 正 "

" 金包銀絲腸粉 "

這個點心對於我來說是有驚喜的 ,

腸粉皮包住一層脆脆既腐皮再加埋粗條鮮甜既蘿蔔絲真係好好味 ,

而且最重要是食完都唔覺得好油膩 yummy ! yummy !

" 腿茸燒賣皇 "

" 懷舊魚翅灌湯餃 "

灌湯餃一上枱時同以前食過的好似有啲唔同已經心知不妙 ,

當朋友整開隻餃時發現疑似湯料未溶的狀況 ,

所以完全是沒有湯汁呢個有少少失望啦 !

" 陳皮蒸牛肉球 "

在網上見到食客寫店方是用了15年既陳皮咁緊係要叫朋友試啦 !

原來這店的牛肉球是這麼大的  (  真是有點嚇親 ^^ )

我又破戒試咗少少  ( 只隱約食到陳皮味 )

" 蒸黑豚肉紫薯棵 "

紫薯棵外觀十分精緻顏色又靚見到都已經好開心 ,

食味是鹹的似食芋角餡料的感覺 ,

個人覺呢款點心都幾特別味道又 ok 直得一試

" 玉蘭帶子餃 "

帶子餃個餡料好食但個餃皮就略嫌厚咗少少

" 蜂巢五香雞粒芋角 "

見到個樣係好吸引可惜佢既餡料應該撈唔勻 ,

三隻芋角中得我個隻有超重既阿摩尼亞味食第一嗒時已經頂唔順 ,

朋友 L 就同店員講店員姐姐好有禮貌講唔好意思跟住收番隻芋角入廚房 ,

轉頭回來同我哋講已經幫我哋取消咗呢隻芋角既 order  ( 服務態度真係一流 ^^ ) 

" 懷舊欖仁馬拉糕 "

個馬拉糕我 ok 呀 ! 但可能欖仁比較少所以朋友仲話如果有欖仁就好喇 ! ^^

" 卡邦尼汁海鮮蟹鉗酥 "

食呢個酥就諗起之前在公司附近某茶餐廳既早餐中食過的雞批 ,

果個雞批我超鐘意食可惜後來沒有供應了 ,

現在食這個酥就好似食番果個雞批咁你話我又點會唔鐘意吖 ! ^3^

飯後甜品  ( 個胃又幾大喎 ! ^3^ )

最開心係試到佢個 " 黑松露奶皇月餅 "

回家後朋友 L 就 WhatsApp 我哋話要一年去一次喎 !

我諗朋友今次都應該好滿意我交既功課 ^^