TUCANOS 巴西燒烤任食餐廳
|
|
AllisonWky
2014-09-14
2031
5
|
分享
收藏
媽咪生日決定比佢放日假唔駛煮飯, 佢想食巴西燒烤, 我地亦有足足成件無去TUCANOS食喇! TUCANOS 係一家巴西燒烤任食餐廳, 係美國有十間分店, 當你登記自己既生日同地址, 係你生日既月份會寄張Coupon比你, 就係生日個個免費!
我地當日係星期6去, 因為星期日唔開, 我地6:30去到都已經好多人. 但環境好舒適 侍應會拎住一串串燒好既食物去你既枱到Serve你, 枱上面有舊木去令持應知道你仲需唔需要食物, 木上面有三隻色,紅色等於STOP, 綠色就係GO. 食物方面亦有好多選擇, 除左有侍應帶到枱上燒好既豬牛羊雞 之外, 亦有一個自助Bar, 有沙津, 生果, 湯, 及熟食等等. 特別在於佢地巴西其實都有我地食開既日式芝士波波, 味道賣相一模一樣! 侍應拎燒肉黎既時候因為你要用夾夾實,比侍應慢慢一片片切落黎, 所以我都無手影.. 我憑記憶都記得有D咩野食GE, 有蒜頭牛油豬扒, 有牛扒, 雞扒, 炸魚塊, 大肉腸, 燒雞心, Pulled-pork, 等等 有一樣係我次次去都一定要食好多既, 就係燒菠蘿! 佢地將一舊舊菠蘿用蜜糖燒,酸酸甜甜好好味架, 加上表面有小小焦, 好香嫁! 呢到就係侍應拎食物既地方, 黑衫既廚師會將煮好既食物遞比侍應, 再由侍應帶到客人枱上
我地坐正面對住外面街, 比平時坐係餐廳中間比較靜同小人行黎行去 其實食物質素還可以, 加上生日免費, 吸引到好多人去, 希望大家鍾意! |
~END~
人均
$200.00
商店 |