豬扒之家 (講句唔該平$5) SeeWide

人均消費：HKD$27

豬扒之家原本係大角咀都唔係好出名，但佢之前既講句唔該平$5就引黎各大報章報導後，佢就開始出左名，但出左名並無為佢帶黎更好生意，佢都係做街坊生意為主，街外客就唔係好多，我今日去到，就全間餐廳都係一家大細同埋區內既學生哥。而佢既野食都係一般，加上為處大角咀，想去都唔係十分方便。我都係因為想見識下佢既講句唔該平$5，個老闆係咩世外高人。

蒲燒鯛魚飯 ($27)

鯛魚，其實我之前未食過鯛魚，但我就最鐘意新野，乜都可以試下，但食落又幾好，肉質同鰻魚差不多，比起鰻魚少骨，佢個蒲燒汁就同平時食開既差不多，我只可以話佢整體上係街坊生意，係一般野，但睇埋佢個價，你食餐晚餐都係講緊$30有找，你仲想點。

好明顯我都係因為佢講句唔該平$5而去，可能好多人都會好似我咁，唔係該區人，但就係因為講句唔該平$5，先入到去大角咀幫襯，如果佢收正價，其實都唔貴，可以接受。