|
(｡◕‿◕) 嚐得出的鮮味 ♥ The Captain's House (◕‿◕｡)
|
|
Kawai
2014-08-22
1055
1
|
分享
收藏
| Kawai 好鐘意拆蝦拆蟹,最喜歡特別是蟹鉗,啖啖肉..... 爽呀! 不過要嚐到蟹肉,先要識拆開殼, 講真,平時普通食飯已經食到衫又有,裙又有, 自己拆蟹真的不敢想像..... 上星期,同朋友去了尖沙咀H8食美式海鮮餐, 因為朋友表示餐廳會有特別安排,不用擔心弄污衫裙!!! 好!去片~~~ 
原來,餐廳會為所有客人準備即棄的圍巾, 圍巾大小足夠遮蓋上半身.立即很有安全感!!! 放心拆蝦拆蟹! ^_^ 
先來的是冷食海鮮盤 Fresh Catch Seafood On Ice (HK$638) 大得傻眼了!!!! 只懂不停圍著拍照,好興奮! 長腳蟹,帶子,虎蝦,小墨魚, 蜆,青口,翡翠螺,小龍蝦,生蠔...... 有兩個醬汁,一個比較酸,另一個帶點紅酒味 
其實冷盤後面仲有大龍蝦!!那隻鉗好大好大,比我的拳頭還要大, 而且好易拆殼,肉質彈牙....!!!! 
還有多肉又多膏的 Brown Crab.... 
整個拼盤,大龍蝦,蟹固然好吃, 帶子,蜆肉,螺,青口都極新鮮,吃落還有海水味的! 至於生蠔我就不知道了,因為我是不吃蠔的!! 
之後有Salmon Tartar (HK$108) 其實我已經避吃三文魚一段時間,覺得好易買到不新鮮的! 這個食落無腥味,好滑! 
另一個我覺得幾好味,就係 蟹餅 Crab Cake (HK$98) 先前講過我是很喜歡食蟹肉,只係怕拆蟹而已, 用鮮蟹肉煎成蟹肉餅,除有蟹肉的鮮,略為煎過的外皮,口感脆脆不油膩!! 上面的苜蓿芽 Alfalfa 是我至愛! 見到好開心 XD 
Ecargot (HK$82) 是螺肉加薯蓉焗成的批,入口有點過於油膩, 一向喜歡爽口感覺的Kawai,覺得麻麻而已!! 
Fish & Chips (HK$198) 魚柳用新鮮龍躉魚,啖啖魚肉,粗身的薯條炸得剛剛好!
一食薯條就想飲杯可樂乾乾佢!! XD
因為是美國餐廳必有,而香港無的 Cajun Garlic Butter Seafood Platter (HK$498) 上台時用一個藍色的袋包著,打開了,好香喔!! 入面除了海鮮外,仲有粟米同腸仔,跟餐仲有一籃蒜蓉包,點汁食好好味! 密封的烹調方法,所有汁都吸收了海鮮及蔬菜的鮮味,加上少少辣..... 其實已經好飽,但好想食好想食!! 最後我都係忍不住乾了一杯可樂 ^_^ 
結尾的是 -- New England Cream Clam Chowder (HK$38) 因為我就不太愛飲忌廉湯,加上飽了!所以只輕嚐了兩小口! 蜆肉還是新鮮彈牙,湯很Creamy 有鮮味,反而奶味並不濃,個人覺得不錯!好喝!! 
真係好好好食!!!而且食完我件衫仲係好乾淨,happy!!!! 下次可以約埋三五知己再來食!!! The Captain's House Facebook / 官方網頁 尖沙咀厚福街8號H8 18樓 2366 5600
For Collaboration,
FB Page: Kawai / Small Talk Corner Please send to : littlecatt@gmail.com Blogspot。TheZtyle。Beautylife。FanPiece。 BECB＠Beautyexchange。Openrice。 She.com。U lifestyle
感謝 Kawai 提供以上資料 Kawai的網誌: http://iamkawai.blogspot.hk/
|
~END~
| 商店 | The Captain's House |