抱歉,發生點錯誤。
重新載入
美心西餅 Maxim's Cake Shop:汁迷不悔
山區麵包王
2014-07-27
1911
0
分享
收藏
芒果所做嘅甜品真喺層出不窮,只要你有創意,凡事都可以,就以本地薑許留山為例,賣芒果產品多年,都可以講歷久不衰;而年初來港嘅台灣過江龍MangoChaCha,一樣以芒果為單一賣點,照樣越做越有。芒果真喺可塑性強,早前,晌免費報紙睇到美心又出新蛋糕「果汁乳酪蛋糕」:芒果 x 熱情果,已非常感興趣,正打算週日買個返去試試,就剛啱收到公關送贈嘅換領券,多謝之餘,又為小弟慳到一餐飯錢。
講開芒果系列,其實美心都有唔少出品:最收歡迎嘅芒果脆脆、滿滿芒果肉嘅香芒盛放,仲有香芒花園、香芒忌廉卷、芒果撻、芒果芝士蛋糕,以及跟栗子組合嘅香芒栗子蛋糕、芒果栗子脆脆,又有曾期間限定新出品嘅香芒開心果脆脆………等等。
今期個「果汁乳酪蛋糕」($108)晌蛋糕上唔喺有乜花巧嘢,反而,重點喺晌個隨蛋糕附送嘅熱情芒果汁上。
打開蛋糕盒,芒果乳酪蛋糕造型簡單,只喺以3片芒果肉及幾粒藍莓做裝飾。自從美心推出mini蛋糕,覺得佢幾成功,幾受歡迎,因為細細個3、4人份量,適合幾個朋友食飯用嚟慶生日。 
依次個「果汁乳酪蛋糕」系列,除熱情芒果口味,仲有另一款雜莓味。究竟點全新食法?睇睇隨蛋糕嘅單張,看圖索驥好易明,其實唔睇你大概都估到,先將熱情芒果汁淋上蛋糕面,拆走圍邊膠條,等果汁徐徐瀉下,切開就食得。
蛋糕主體以海綿蛋糕夾芒果乳酪慕絲組合而成,一層疊一層,慕絲內又夾有芒果果肉。海綿蛋糕做得鬆軟,始終大集團倒模式製作,水準相對平穩;而芒果乳酪慕絲加入「乳酪」元素,比單用忌廉做嘅慕絲輕盈一啲,但柔滑度無乜點走樣,依然綿綿幼滑,此外芒果味亦較為清怡。淋上熱情芒果汁後,由於果汁味道頗為濃郁,所以,感覺有啲不一樣,加添一份酸爽清新嘅感覺,因為個汁偏向熱情果味重。順帶一提,向店員詢問過,雜莓味嘅蛋糕只喺乳酪慕絲,所以,個蛋糕外觀好雪白,而雜莓嘅味道主要嚟自蛋糕內嘅果肉及個雜莓汁。
由於兩款新出品都帶有爽朗嘅酸甜感,故此,不失為踢走夏日悶熱嘅甜品。其實蛋糕加果汁,小弟又唔喺覺得極之新奇,因為有時晌啲中高檔餐廳食甜品,都會伴啲醬汁,尤其好似台式多士盒,淋到五顏六色,不過,我都稱得上喺個果汁迷,始終個蛋糕加埋啲香濃果汁,又的確會好食啲。

個人評分
味道:8/10
環境:7/10
服務:8/10
抵食:8/10
平均每人消費:HK$0(試食邀請)

餐廳資料:
美心西餅 Maxim's Cake Shop
美孚美孚新邨萬事達商場地下 N75 號舖
2959 0936


=============================================

感謝 山區麵包王 提供以上資料

山區麵包王的網誌: http://garycwm.blogspot.hk/


=============================================

~END~
商店 美心西餅 (美孚新邨萬事達商場店)